მურა ჯამა სოკო

მურა ჯამა სოკო (ლათ. Peziza badia) — პეზიზასებრთა ოჯახის ჩანთიანი სოკო.

მურა ჯამასოკო
მეცნიერული კლასიფიკაცია
სამეფო:  სოკოები განყოფილება:  ჩანთიანი სოკოები კლასი:  პეზიზომიცეტები რიგი:  პეზიზასნაირნი ოჯახი:  პეზიზასებრნი გვარი:  პეზიზა სახეობა:  მურა ჯამა სოკო
ლათინური სახელი
Peziza badia (Pers., 1800)
სისტემატიკა ვიკისახეობებში სურათები ვიკისაწყობში NCBI   40594 EOL   1030833 MB   141966

სამეცნიერო სინონიმები:

• Galactinia badia (Pers.) Arnold, 1893
• Plicaria badia (Pers.) Fuckel, 1870
• Scodellina badia (Pers.) Gray, 1821

აღწერა

სოკოს ნაყოფსხეულის დიამეტრი 1-6 სმ-მდე აღწევს, თავდაპირველად ბურთისებრია, გახსნის შემდეგ ღრმა ჯამის ფორმას იღებს, შიგნითა ზედაპირი წაბლისფერ-მურაა, გარედან შედარებით ღია ფერის. ზედაპირი მარცვლოვანი.

სპორები — ელიფსისებრი 15–18×7–10 მკმ, მარცვლოვან-ხორკლიანი ზედაპირით. ჩანთები ცილინდრულია და მოთავსებულია 8 სპორა.

ახალი ითვლება საჭმელ სოკოდ.

გავრცელება

ფართოდაა გავრცელებული ჩრდილოეთ ამერიკასა და ევროპაში. იზრდება ჯგუფებად (10-20 და მეტ ეგზემპლარამდე), ნიადაგზე, ტყეებში, ძირითადად წიწვოვანი ხეების ქვეშ, ასევე პარკებში, გაზაფხულიდან გვიან შემოდგომამდე.

მსგავსი სახეობები

• Peziza phyllogena Cooke, 1877 — მეტად წააგავს მურა ჯამა სოკოს, თუმცა გამოირჩევა არა ბადისებრი, არამედ წვრილმეჭეჭებიანი სპორებით.
• Peziza alaskana E.K.Cash, 1954 — ჩრდილოური სახეობა შავი-იისფერი ზედაპირით და ორნამენტირებული სპორებით. იზრდება მდინარისა და ტბის პირებზე.

ლიტერატურა

• ნახუცრიშვილი ივ., საქართველოს სოკოები / რედ. და თანაავტ. არჩ. ღიბრაძე, თბ.: „ბუნება პრინტი“ და საქართველოს ბუნების შენარჩუნების ცენტრი, 2006. — გვ. 35, ISBN 99940-856-1-1.