მიხეილ ლომონოსოვის ძეგლი (სანქტ-პეტერბურგი)
მიხეილ ლომონოსოვის ძეგლი (რუს. Памятник Ломоносову) — რუსი ბუნებისმეტყველის მიხეილ ლომონოსოვის ძეგლი სანქტ-პეტერბურგში. მდებარეობს ქალაქის ცენტრალურ რაიონში, ლომონოსოვის მოედანზე, მდინარე ფონტანკის სანაპიროზე.
| მიხეილ ლომონოსოვის ძეგლი Памятник Ломоносову | |
|---|---|
.jpg) | |
| მდებარეობა | სანქტ-პეტერბურგი, რუსეთი |
| არქიტექტორი | ანტონინ ლიტკინი |
| მოქანდაკე | პარმენ ზაბელო |
| მასალა | ბრინჯაო, წითელი და ნაცრისფერი გრანიტი |
| გახსნის თარიღი | 1892 |
| მიძღვნილია | მიხეილ ლომონოსოვი |
 რუსეთის კულტურული მემკვიდრეობის ძეგლი | |
ისტორია რედაქტირება
1890 წლის მარტში სანქტ-პეტერბურგის საქალაქო დუმამ გადაწყვიტა დაედგათ მიხეილ ვასილის ძე ლომონოსოვის ძეგლი მდინარე ფონტანკის სანაპიროზე სკვერში, ამჟამინდელი ლომონოსოვის ხიდის ახლოს. ძეგლის ავტორი გახდა რუსი მოქანდაკე და აკადემიკოსი პარმენ პეტრეს ძე ზაბელო, რომელმაც სანქტ-პეტერბურგის საქალაქო დუმას არქიტექტორად შესთავაზა ნიკოლოზ ლეონტის ძე ბენუა. ძეგლის კვარცხლბეკის პროექტი შეიმუშავა არქიტექტორმა ანტონინ სერგის ძე ლიტკინმა.
ლომონოსოვის ბიუსტი და ბარელიეფი, რომელიც კვარცხლბეკზეა განთავსებული ჩამოასხეს ა. მორანის ბრინჯაოს ჩამომსხმელ ქარხანაში. თავად კვარცხლბეკი დაამზადეს მოქანდაკე კ. ო. გვიდის სახელოსნოში ნაცრისფერი გრანიტისაგან, კვარცხლბეკის სადგამი კი პიუტერლახის წითელი გრანიტისაგან არის დამზადებული. ქანდაკების წინა მხარე შემკულია ბარელიეფით, რომელზეც გამოსახულია წიგნის მკითხველი სოფლელი ბიჭი - ეს ლომონოსოვის სახეა ბავშვობაში.
ბარელიეფზე არსებული ტექსტის პროექტი შეიმუშავა ქალაქის დუმის წევრმა ი. ი. დომონტოვიჩმა. ბარელიეფის წინა მხარეზე არის შემდეგი წარწერა:
МИХАИЛЪ ВАСИЛЬЕВИЧЪ
ЛОМОНОСОВЪ
РОДИЛСЯ БЛИЗЪ Г. ХОЛМОГОРЪ
ВЪ 1711 ГОДУ
СКОНЧАЛСЯ В С. ПЕТЕРБУРГѣ
4 АПРЕЛЯ 1765 ГОДА
ძეგლის უკანა მხარეს ამოკვეთილია ალექსანდრე პუშკინის ლექსი:
Неводъ рыбакъ разстилалъ
ЛОМОНОСОВЪ
по брегу студенаго моря
Мальчикъ отцу помогалъ
Отрокъ, оставь рыбака
Мрежи иныя тебя ожидаютъ
иныя заботы
Будешь умы уловлять
будешь помощникъ Царямъ!Пушкинъ
Воздвигнутъ въ 1892 году
Петербургскимъ городскiмъ
Общественнымъ Управленiемъ
ბრინჯაოს ბიუსტის სიმაღლეა 1,45 მეტრი, კვარცხლბეკის სიმაღლე კი 2,75 მეტრია.
ძეგლი გაიხსნა 1892 წლის 24 სექტემბერს. 2000-იანი წლების დასაწყისში ძეგლი გაარემონტეს და 2002 წლის 31 ოქტომბერს აღმართეს ძველ ადგილზე.
რესურსები ინტერნეტში რედაქტირება
- Памятник М. В. Ломоносову (площадь Ломоносова). Энциклопедия Санкт-Петербурга. ციტირების თარიღი: 2015-12-03.[მკვდარი ბმული]
- Павел Веретенников. Бюст Ломоносова у Фонтанки. iPetersburg. დაარქივებულია ორიგინალიდან — 2015-12-08. ციტირების თარიღი: 2015-12-03.