მთავარი მენიუს გახსნა

საფეხბურთო კლუბი ლუდოგორეცი (ბულგ. ПФК Лудогорец Разград) — ბულგარეთის საფეხბურთო კლუბი, რომელიც დაარსდა 2001 წლის 18 ივნისს რაზგრადში. გამოდის ბულგარეთის უმაღლეს დივიზიონში, საფეხბურთო ჯგუფ „A“-ში. საშინაო მატჩებს ლუდოგორეც არენაზე ატარებს.

ლუდოგორეცი
სრული სახელი PFC Ludogorets Razgrad
მეტსახელი Орлите от Разград (რაზგრადელი არწივები)
Зелено-белите (მწვანე-თეთრები)
დაარსდა 1945
სტადიონი ლუდოგორეც არენა, რაზგრადი
(ტევადობა: 8.000 მაყურებელი)
პრეზიდენტი ბულგარეთის დროშა კირილ დომუსჩიევი
მწვრთნელი ბულგარეთის დროშა გეორგი დერმენდჟიევი
კაპიტანი სვეტოსლავ დიაკოვი
ლიგა ჯგუფი „A“
2013-14 ჩემპიონი
ძირითადი ფორმა
რეზერვის ფორმა
მესამე ფორმა

2014 წლიდან კლუბის ოფიციალური თილისმა არწივი სახელად „ფორტუნაა“, რომელიც რომის „ლაციომ“ აჩუქა კლუბს[1].

ისტორიარედაქტირება

პირველი ლუდოგორეცირედაქტირება

პირველად კლუბი „ლუდოგორეცის“ სახელით 1945 წელს დაარსდა, რომელიც ხუთი გუნდის გაერთიანებით ჩამოყალიბდა. თავდაპირველად, დაბალ დივიზიონებში გამოდიოდა, 1961 წელს კი მეორე დივიზიონში გადასვლა მოახერხა. 1961-62 წლების სეზონში ახლოს იყო პირველ დივიზიონში მოხვედრასთან, თუმცა ეს ვერ შეძლო. საბოლოოდ, 2006 გუნდი გაუქმდა.

დაარსებარედაქტირება

დღევანდელი „ლუდოგორეცი“ 2001 წელს დაარსდა ალექსანდრ ალექსანდროვის და ვლადიმირ დიმიტროვის მიერ. 2002 წელს კლუბს „რაზგრადი 2000“ უწოდეს. კლუბი არც თუ ისე ცუდად ასპარეზობდა, თუმცა ფინანსური პრობლემების გამო დიდ შედეგებს ვერ აღწევდა.

დომუსჩიევის ერა (2010 — )რედაქტირება

2010 წელს ბულგარელმა ბიზნესმენმა კირილ დომუსშჩიევმა კლუბი შეიძინა და მიზნად უმაღლეს დივიზიონში აღზევება დაისახა.

პირველივე სეზონში კლუბმა შეძლო და უმაღლესი დივიზიონის საგზური მოიპოვა, ისტორიაში პირველად. 2011-12 წლებში კლუბმა საკუთარ ქვეყანაში ტრებლს მიაღწია, მოიგო ყველა შესაძლო ტიტული (ბულგარეთის ჩემპიონატი, თასი და სუპერთასი). 2012-13 სეზონიც თითქმის ანალოგიური გამოდგა, კლუბმა მოიგო ჩემპიონატი და თასი, თუმცა სუპერთასზე „ბეროე სტარა ზაგორასთან“ დამარცხდა პენალტების სერიაში.

2013-14 წლების სეზონიც ზუსტად ანალოგიური გამოდგა, როგორც წინა სეზონი. კლუბმა ზედიზედ მესამედ მოიგო ჩემპიონატი და თასი. „ლუდოგორეცი“ გახდა მესამე კლუბი სოფიის „ლევსკისა“ და „ცსკა“-ის შემდეგ, რომელმაც ზედიზედ სამჯერ მოიგო ჩემპიონატი.

ევროტურნირებირედაქტირება

2012 წელს ჩემპიონატის მოგების შემდეგ კლუბი, ისტორიაში პირველად, ჩემპიონთა ლიგაზე გავიდა, სადაც საწყის ეტაპზევე ზაგრების „დინამოსთან“ დამარცხდა.

2013-14 წლების ჩემპიონთა ლიგის სეზონი კლუბისთვის კარგად დაიწყო. გუნდმა შეძლო ბრატისლავის „სლოვანისა“ და ბელგრადის „პარტიზანის“ დამარცხება და ლიგის პლეი-ოფში გავიდა, თუმცა შვეიცარულ „ბაზელთან“ ვერაფერს გახდა და ევროპა ლიგაზე გადაინაცვლა. ევროპა ლიგის ჯგუფიდან, ყველასათვის მოულოდნელად, კლუბი ძალიან იოლად გავიდა. მეთექვსმეტედფინალში რომის „ლაციოს“ შეხვდა და დრამატულ ბრძოლაში მოახერხა მერვედფინალის საგზურის მოპოვება, სადაც ესპანურ „ვალენსიასთან“ დამარცხდა.

2014-15 წლების ჩემპიონთა ლიგის სეზონი კვლავ წარმატებით დაიწყო და ლუქსემბურგის „დუდელანჟს“ იოლად მოუგო, შემდეგ კარგად ნაცნობი ბელგრადის „პარტიზანი“ შეხვდა და ურუთულეს ბრძოლაში პლეი-ოფის საგზური მოიპოვა. წილისყრამ „ლუდოგორეცს“ ბუქარესტის „სტიაუა“ არგუნა მეტოქედ. პირველ მატჩი რუმინელების გამარჯვებით დასრულდა. განმეორებითი მატჩის 89-ე წუთზე რაზგრადელებმა გოლი გაიტანეს და თამაში დამატებით დროში გადაიყვანეს. 119-ე წუთზე „ლუდოგორეცის“ მეკარემ სტოიანოვმა საჯარიმოს გარეთ რუმინელი ფეხბურთელი მოჩეხა და წითელი ბარათი მიიღო. ბულგარელებს ყველა ცვლილება გამოყენებული ჰქონდათ, რის გამოც კარში ჩადგომა ცენტრალურ მცველს, კოსმინ მოცის მოუწია. პენალტების სერიის პირველი გოლი სწორედ მოციმ გაიტანა. შვიდი დარტყმული პენალტიდან მოციმ შეძლო და ორი მათგანი მოიგერია, რითაც კლუბს ისტორიული საგზური მოუპოვა ჩემპიონთა ლიგის ჯგუფურ ეტაპზე.

შემადგენლობა 2014/2015რედაქტირება

ნომერი პოზიცია მოთამაშე
4   მცველი ტერო მანტილა
5   მცველი ალექსანდრე ბართე
7   ნახევარმცველი მიჰაილ ალექსანდროვი
8   ნახევარმცველი ფაბიო ესპინიო
9   თავდამსხმელი რომან ბეზიაკი
10   ნახევარმცველი სებასტაინ ერნანდესი
11   თავდამსხმელი ჯუნინიო კიხადა
12   ნახევარმცველი ანიჩეთ აბელ
15   მცველი ალექსანდრ ალექსანდროვი
16   მცველი ბრაიან ანგულო
17   ნახევარმცველი დანი აბალო
18   ნახევარმცველი სვეტოსლავ დიაკოვი (კაპიტანი)
19   მცველი ალექსანდრ ვასილევი
20   მცველი გილერმე ჩოქო
ნომერი პოზიცია მოთამაშე
21   მეკარე ვლადისლავ სტოიანოვი
23   ნახევარმცველი ხრისტო ზლატინსკი
24   მცველი პრესლავ პეტროვი
25   მცველი იორდან მინევი
27   მცველი კოსმინ მოცი
31   მეკარე გეორგი აგრილაშკი
55   მცველი გეორგი ტერციევი
77   მცველი ვიტინია
80   მცველი ჟუნიორ კაიკარა
84   ნახევარმცველი მარსელინიო
88   ნახევარმცველი ვანდერსონი
91   მეკარე ივან ცვოროვიჩი
93   ნახევარმცველი ვირჟილ მისიჯანი
99   თავდამსხმელი ჰამზა იუნესი

ტიტულებირედაქტირება

  • ბულგარეთის ჩემპიონი: 3
    • 2011–12, 2012–13, 2013–14
  • ბულგარეთის თასი: 2
    • 2011-12, 2013–14
  • ბულგარეთის სუპერ თასი: 2
    • 2012, 2014

რესურსები ინტერნეტშირედაქტირება

სქოლიორედაქტირება