ლასკადურა
მდინარე საქართველოში, რაჭა-ლეჩხუმისა და ქვემო სვანეთის მხარეში
ლასკადურა — მდინარე ლენტეხის მუნიციპალიტეტში, ცხენისწყლის მარჯვენა შენაკადი. სათავე აქვს სვანეთის ქედის სამხრეთ კალთაზე, ზღვის დონიდან 2425 მ სიმაღლეზე. სიგრძე 20 კმ, აუზის ფართობი 118 კმ². საზრდოობს თოვლის, წვიმის, მიწისქვეშა და მყინვარული წყლით. წყალდიდობა იცის გაზაფხულსა და ზაფხულში, წყალმცირობა - ზამთარში, წყალმოვარდნები - შემოდგომაზე. საშუალო წლიური ხარჯი 4,9 მ³/წმ.
| ლასკადურა | |
|---|---|
 ლასკადურა დაბა ლენტეხში | |
| ქვეყანა |
 საქართველო |
| ტერიტორიული ერთეულები | ლენტეხის მუნიციპალიტეტი (რაჭა-ლეჩხუმისა და ქვემო სვანეთის მხარე) |
| ქალაქები | ლენტეხი |
| სათავე |
სვანეთის ქედის სამხრეთი კალთა 42°53′15″ ჩ. გ. 42°34′52″ ა. გ. / 42.887639° ჩ. გ. 42.581167° ა. გ. |
| სათავის სიმაღლე | 2425 მ |
| შესართავი |
ცხენისწყალი 42°47′09″ ჩ. გ. 42°43′18″ ა. გ. / 42.786056° ჩ. გ. 42.721722° ა. გ. |
| სიგრძე | 20 კმ |
| აუზის ფართობი | 118 კმ² |
| წყლის ხარჯი (საშ.) | 4,9 მ³/წმ |
     — სათავე,  — შესართავი | |
ლიტერატურა რედაქტირება
- აფხაზავა ი., ქსე, ტ. 6, გვ. 133, თბ., 1983