ლანაო
ლანაო — გამდინარე ტბა ფილიპინებზე, კუნძულ მინდანაოზე, სამხრეთი ლანაოს პროვინციაში. მდებარეობს ვულკანური მასივების დადაბლებაში, ზღვის დონიდან 700 მ სიმაღლეზე. ზედაპირის ფართობი 340 კმ², საშუალო სიღრმე 60,3 მ, მაქსიმალური სიღრმე 112 მ. სიდიდით ფილიპინებზე მეორე ტბაა ლაგუნა-დე-ბაის შემდეგ. ნაპირები დაბალია, ბრტყელი, ადგილ-ადგილ დაჭაობებული. ერთვის ოთხი მდინარე. ტბიდან გამოედინება მდინარე აგუსი, რომელიც ერთვის მინდანაოს ზღვის ილიგანის უბეს. აგუსის სათავეებთან მდებარეობს ქალაქი მარავი. მდინარე აგუსის შუა დინებაში, მარია-კრისტინას ჩანჩქერთან გაშენებულია ჰესი. ლანაო გენეტიკურად რიფტული ტბაა. მდიდარია თევზით. მოიპოვება კობრისებრთა 18 ენდემური სახეობა. გაბატონებულია მებრინჯეობა. ტბის გარშემო ბევრია მუსლიმური სოფლები.
| ლანაო | |
|---|---|
 Landsat-ის ფოტოსურათი | |
| კოორდინატები: 7°53′31″ ჩ. გ. 124°15′09″ ა. გ. / 7.89194° ჩ. გ. 124.25250° ა. გ. | |
| მდებარეობა |  ფილიპინები
|
| ტერიტორიული ერთეული | სამხრეთი ლანაო |
| სიმაღლე ზღვის დონიდან | 700 მ |
| სიგრძე | 33 კმ |
| სიგანე | 20 კმ |
| ფართობი | 340 კმ² |
| სანაპირო ზოლის სიგრძე | 115 კმ |
| საშუალო სიღრმე | 60,3 მ |
| მაქსიმალური სიღრმე | 112 მ |
| გამომდინარე მდინარე | აგუსი |
  | |
იხილეთ აგრეთვე რედაქტირება
რესურსები ინტერნეტში რედაქტირება
- ლანაო — სტატია დიდი საბჭოთა ენციკლოპედიიდან (რუსული)
- ლანაო — სტატია ენციკლოპედია ბრიტანიკიდან (ინგლისური)