კელი დეგნანი
კელი დეგნანი (ინგლ. Kelly Colleen Degnan) — ამერიკელი დიპლომატი, აშშ-ის საზღვაო ძალების ევროპის ხელმძღვანელობის პოლიტიკური მრჩეველი.[1] დეგნანი იტალიაში აშშ-ის მისიის ხელმძღვანელის მოადგილედ, სახელმწიფო დეპარტამენტის აღმასრულებელი მდივნის მოადგილედ და კოსოვოში აშშ-ის მისიის ხელმძღვანელის მოადგილედ მსახურობდა. 2019 წლის 4 სექტემბერს ამერიკის შეერთებული შტატების პრეზიდენტმა დონალდ ტრამპმა საქართველოში აშშ-ის საგანგებო და სრულუფლებიანი ელჩის თანამდებობაზე წარადგინა.[1]
| კელი დეგნანი | |
 | |
| აშშ-ს ელჩი საქართველოში | |
|---|---|
| ამჟამინდელი თანამდებობა | |
| დაიკავა | 31 იანვარი, 2020 |
| წინამორბედი | იან კელი |
| მემკვიდრე | რობინ დანიგენი |
| თანამდებობაზე ყოფნის დრო | |
| 18 იანვარი, 2017 – 1 ოქტომბერი, 2017 | |
აშშ-ს ელჩი სან-მარინოში | |
| თანამდებობაზე ყოფნის დრო | |
| 18 იანვარი, 2017 – 1 ოქტომბერი, 2017 | |
ადრეული წლები რედაქტირება
სამხრეთ კალიფორნიის უნივერსიტეტის სამართლის სკოლის დასრულების შემდეგ კელი დეგნანი აქტიურ და წარმატებულ სამართლებრივ კარიერას ეწეოდა. სახელმწიფო დეპარტამენტში გადასვლამდე ხუთი წლის განმავლობაში დეგნანი მიკრონეზიის ფედერაციული შტატებისა და პალაუს რესპუბლიკის სამართლებრივი მრჩეველი იყო. დეგნანი ასევე არის ჩრდილო-დასავლეთის უნივერსიტეტის ჟურნალისტიკის პროგრამის ბაკალავრი.[2]
ელჩი საქართველოში რედაქტირება
წარდგენა და მოსმენა სენატში რედაქტირება
2019 წლის 29 ოქტომბერს[3] აშშ-ის სენატში გაიმართა საქართველოში აშშ-ის ელჩობის კანდიდატის, კელი დეგნანის, მოსმენა. სენატის საგარეო ურთიერთობების კომიტეტის წინაშე გამოსვლისას დიპლომატმა ხაზი გაუსვა აშშ-სა და საქართველოს შორის ნაყოფიერ პარტნიორობას და აღნიშნა, რომ ელჩად დანიშვნის შემთხვევაში იმუშავებს ამ ურთიერთობების გასაღრმავებლად.[4] მოსმენისას დეგნანმა გაიხსენა თურქეთში მისი მსახურობის დროს რუსეთის აგრეისია საქართველოს წინააღმდეგ და აღნიშნა, რომ ყურადღებით ადევნებდა თვალს ამ პროცესს. ელჩობის კანდიდატმა ასევე გაიხსენა საკუთრი გამოცდილება ნატოში, სადაც, მისი თქმით, „საქართველო იყო და არის პარტნიორი“.
მან მაღალი შეფასება მისცა საქართველოს სამხედრო კონტინგენტის ყოფნას ავღანეთში, ასევე საქართველოს როლს შავი ზღვის რეგიონში.[4]
კელი დეგნანი საქართველოში 2020 წლის 29 იანვარს ჩამოვიდა.[5]
პირადი ცხოვრება რედაქტირება
სქოლიო რედაქტირება
- ↑ 1.0 1.1 ტრამპმა საქართველოში აშშ-ის ელჩის პოზიციაზე კელი დეგნანი წარადგინა, თაზო კუპრეიშვილი - 04.09.2019
- ↑ United States Department of State
- ↑ FULL COMMITTEE HEARING Nominations
- ↑ 4.0 4.1 კელი დეგნანი: განუხრელად მოვუწოდოთ რუსეთს, შეასრულოს 2008 წლის შეთანხმება
- ↑ აშშ-ის ახალი ელჩი კელი დეგნანი თბილისში ჩამოვიდა