კარანგეტანგი
კარანგეტანგი, აპი-სიაუ (ინდონ. Karangetang) — მოქმედი სტრატოვულკანი ინდონეზიაში, კუნძულ სიაუს ჩრდილო ნაწილში. აქვს ორი მწვერვალი; სამხრეთი მწვერვალის სიმაღლეა 1827 მ, ხოლო ჩრდილოეთი მწვერვალისა 1797 მ. წარმოადგენს ინდონეზიის ერთ-ერთ ყველაზე აქტიურ ვულკანს. 1675 წლიდან მოყოლებული ამოიფრქვა 41-ჯერ.
| კარანგეტანგი | |
|---|---|
| |
| კოორდინატები: 2°46′40″ ჩ. გ. 125°24′27″ ა. გ. / 2.77778° ჩ. გ. 125.40750° ა. გ. | |
| ქვეყანა |  ინდონეზია
|
| სიმაღლე | 1827 მ |
| შეფარდებითი სიმაღლე | 1827 მ |
| ტიპი | სტრატოვულკანი |
| ბოლო ამოფრქვევა | 2022 |
  | |
1997 წელს პიროკლასტურმა ნაკადმა სამი ადამიანის სიცოცხლე შეიწირა.[1] 2007 წლის აგვისტოში მომხდარი ამოფრქვევის გამო ახლო მდებარე რაიონების ევაკუაცია გახდა საჭირო.[2] 2009 წლის 9 ივნისს ინდონეზიის ვულკანოლოგიურმა სამსახურმა კარანგეტანგის ამოფრქვევის განგაშის სტატუსი ნარინჯისფერის დონემდე აწია.[3]
2010 წლის 6 აგვისტოს კარანგეტანგი ისევ ამოიფრქვა და ჰაერში ასობით მეტრზე ამოიტყორცნა ლავა და ფერფლი, რის გამოც ოთხი სოფელი დაიკარგა.[4] 2011 წლის 11 მარტს იაპონიაში მომხდარი მიწისძვრიდან რამდენიმე საათში, რომელსაც წყნარ ოკეანეში ცუნამი მოჰყვა კარანგეტანგის ამოფრქვევაც გამოიწვია,[5] მაგრამ რაიმე ნგრევა ან ადამიანის სიკვდილი ამას არ მოჰყოლია, თუმცა კალთებზე შეიმჩნეოდა ლავისა და ცხელი აირის ამოტყორცნა.[5]
2013 წლის 2 სექტემბერს კარანგეტანგი ისევ ამოიფრქვა. აქტივობები შეინიშნებოდა 2013–18 წლებშიც. 2019 წლის 20 ივლისიდან იმავე წლის ოქტომბრამდე ვულკანი ისევ მოქმედების სტადიაში იყო, რასაც ლავის ამოღვრა მოჰყვა.[6]
სქოლიო რედაქტირება
- ↑ Report on Karangetang (Indonesia) — July 1997
- ↑ Top alert for Indonesia volcano, villagers evacuate
- ↑ VSI Alert. დაარქივებულია ორიგინალიდან — 2006-12-16. ციტირების თარიღი: 2023-01-02.
- ↑ Volcano erupts in eastern Indonesia
- ↑ 5.0 5.1 Indonesian volcano erupts. stuff.co.nz/AP (12 March 2011). ციტირების თარიღი: 12 March 2011.
- ↑ Global Volcanism Program | Karangetang. ციტირების თარიღი: 2019-10-25