ზღვის ლეოპარდი (ლათ. Hydrurga leptonyx) — ძუძუმწოვარი ცხოველი ნამდვილი სელაპების ოჯახისა.

ზღვის ლეოპარდი
Antarctic Sound-2016-Brown Bluff–Leopard seal (Hydrurga leptonyx) 04.jpg
ჯანმრთელი ინდივიდი
მეცნიერული კლასიფიკაცია
სამეფო:  ცხოველები
ტიპი:  ქორდიანები
ქვეტიპი:  ხერხემლიანები
კლასი:  ძუძუმწოვრები
რიგი:  ფარფლფეხიანები
ოჯახი:  ნამდვილი სელაპები
გვარი:  ზღვის ლეოპარდები
სახეობა:  ზღვის ლეოპარდი
ლათინური სახელი
Hydrurga leptonyx
დაცვის სტატუსი
Status iucn3.1 LC ka.svgსაჭიროებს ზრუნვას
ყველაზე ნაკლები საფრთხის ქვეშ
IUCN 3.1 Least Concern : 10340
გავრცელება
Hydrurga leptonyx distribution.png

ახასიათებს ლეოპარდის მსგავსი ბეწვი და ნადირობის განსაკუთრებული უნარი, რის გამოც საშიშ მტაცებლად ითვლება. ბინადრობს ანტარქტიდის პოლარულ ზღვებში და ერთადერთი სელაპია რომელიც თბილსისხლიანებით იკვებება. ასევე ჭამს კრილს, თევზს, პინგვინებს, ზღვის ფრინველებს და სხვა სელაპებს (განსაკუთრებით კიბოჭამია სელაპი). ზღვის ლეოპარდი წყალში სწრაფად დაცურავს და დიდი სიჩქარით ნადირობს. მას დიდი თავი, მძლავრი ყბები, მხედველობისა და ყნოსის შესანიშნავი უნარი აქვს. იგი თავის გრძელ, ბასრ კბილებს იმისთვის იყენებს, რომ დიდი ზომის მსხვერპლი მოიტაცოს. შემდეგ ის მსხვერპლს ფატრავს და მომცრო ნაწილებად გლეჯს, რათა ადვილად გადაყლაპოს. მისი უკანა კბილები ღეჭვისთვის არ არის განკუთვნილი; ისინი როლს ასრულებენ წყალში კრილის დაჭერისას. ყოფილა ადამიანზე თავდასხმის შემთხვევებიც. ერთადერთი ცხოველი რომელიც მასზე ნადირობს, მკვლელი ვეშაპია. ზღვის ლეოპარდი მარტოხლა ცხოველია, იგი ოკეანეში მარტო ცხოვრობს, გამონაკლისი შეჯვარების პერიოდია. ისინი მრავლდებიან 6 წლის ასაკიდან და ყოველ წელს მდედრი ნოემბერ-დეკემბერში შობს 1 ნაშიერს. ზღვის ლეოპარდები ხმელეთზე ჯგუფებად ამოდიან.

ლიტერატურარედაქტირება

  • Rogers, Tracey L. (2002). Leopard Seal. In William F. Perrin, Bernd Würsig & J.G.M. Thewissen eds. Encyclopedia of Marine Mammals San Diego: Academic Press. 692–693.
  • Rogers, T. (2009). The leopard seal, Hydrurga leptonyx. In W. F. Perrin, B. Wursig, & J. G. M. Thewissen (Eds.), Encyclopedia of Marine Mammals (Second ed., pp. 673–674). San Diego: Academic Press
  • National Geographic Magazine, November 2006 Leopard Seals
  • Saundry, Peter. (2010) http://www.eoearth.org/wiki/Leopard_seal Leopard Seal. Encyclopedia of Earth. Topic ed. C. Michael Hogan, ed. in chief Cutler Cleveland, NCSE, Washington DC

რესურსები ინტერნეტშირედაქტირება

ვიკისაწყობში არის გვერდი თემაზე: