ზეღრმა ბურღვაჭაბურღილების გაყვანა 6000 მ და მეტ სიღრმეზე. ბურღვის ზღვრულ სიღრმეს განაპირობებს ბურღვის ტექნიკის დონე. მაგ., XX საუკუნის 50-იან წლებში ზეღრმა ჭაბურღილების სიღრმე 5,5-5 კმ იყო. დღემდე ყველაზე ღრმა ჭაბურღილები გაყვანილი იყო ყოფილი სსრკ ტერიტორიასა და აშშ-ში.

ყოფილ სსრკ-ში ყველაზე ღრმა წერტილი მდებარეობდა კოლის ნახევარკუნძულზე. 1974 წლისათვის აქ სიღრმემ 7600 მ-ს მიაღწია, ხოლო 1983 წლისათვის ნიშნული ადის 12066 მ-მდე. საბოლოოდ მისმა ნიშნულმა შეადგინა 12262 მეტრს (წარმოადგენს მსოფლიოში ყველაზე ღრმა ჭაბურღილს). ასევე ინტენსიური ზეღრმა ბურღვა მიმდინარეობდა აშშ-ში. აქ ნიშნულმა თითქმის 10 კმ-ს მიაღწია. ზეღრმა ბურღვის მიზანია სასარგებლო წიაღისეულის (ნავთობი, აირი და სხვა) მოპოვება, აგრეთვე დედამიწის სითბოსა და ახალი ნივთიერებების გამოყენება, დედამიწის ქერქის გეოლოგიური სტრუქტურის შესწავლა. ზეღრმა ჭაბურღილების გაყვანა დაკავშირებულია მრავალ სიძნელესთან (ჭაბურღილის პირიდან სანგრევამდე საბურღი იარაღისა და ენერგიის ტრანსპორტირების პრობლემა, ჭაბურღილის კედლების საიმედო გამაგრება, ფენის წნევის მართვა და სხვა).

აღსანიშნავია, რომ ზეღრმა ბურღვა არსებითად დაკავშირებულია აგრეთვე დიდ რისკთან, რამეთუ დიდ სიღრმეზე ჩაღწევა იწვევს დედამიწის ქერქის სიღრმიდან ტოქსიკური ნივთიერებების გამოყოფას, შიგა აფეთქებასა და ა.შ. ამიტომ ზეღრმა ბურღვის დიდი ნიშნულების დასაბყრობად საჭიროა განსაკუთრებული ტექნიკური მომზადება და სხვ.

იხილეთ აგრეთვერედაქტირება

ლიტერატურარედაქტირება