ზალცბურგის ალპები
ზალცბურგის ალპები (გერმ. Salzburger Alpen) — ქედი ალპებში, აღმოსავლეთ ალპების ნაწილი. ვრცელდება ავსტრიისა და გერმანიის ტერიტორიებზე. მოქცეულია ეგრეთ წოდებულ „გრაუვაკულ ზონაში“. მაქსიმალური სიმაღლე 2995 მ-მდე (მთა დახშტაინი). ტენენის მასივში მდებარეობს ევროპის ერთ-ერთი უდიდესი მღვიმე აისრიზენველტი. ქედი აგებულია უმეტესწილად კირქვებითა და ფიქლებით. დამახასიათებელია ღრმად დანაწევრებული კალთები, დაკბილული თხემი. მდიდარია ტბებით, მათ შორის აღსანიშნავია: ჰალშტეტერ-ზეე, ტოპლიცი, ატერზეე, ტრაუნზეე. ფერდობები შემოსილია ტყით, სადაც ჭარბობს ნაძვი და წიფელი. ზღვის დონიდან 1400-1600 მ სიმაღლეზე სუბალპური და ალპური მდელოებია. არის სასარგებლო წიაღისეულის საბადოები. განვითარებულია ტურიზმი. არის კურორტები.
ზალცბურგის ალპები | |
---|---|
ზალცბურგის ალპები | |
კოორდინატები: 47°23′ ჩ. გ. 13°13′ ა. გ. / 47.383° ჩ. გ. 13.217° ა. გ. | |
ქვეყანა | ავსტრია გერმანია |
უმაღლესი წერტილი | დახშტაინი |
სიმაღლე | 2995 მ |
იხილეთ აგრეთვე რედაქტირება
რესურსები ინტერნეტში რედაქტირება
- შეგიძლიათ იხილოთ მედიაფაილები თემაზე „ზალცბურგის ალპები“ ვიკისაწყობში.
- ზალცბურგის ალპები — სტატია დიდი საბჭოთა ენციკლოპედიიდან (რუსული)