მთავარი მენიუს გახსნა

ვაჟა შუბითიძე (დ. 28 დეკემბერი, 1959, ხაშური, საქართველოს სსრ) — ქართველი ისტორიკოსი, პოლიტოლოგი.

ვაჟა შუბითიძე
დაბ. თარიღი 28 დეკემბერი, 1959
ხაშური
მოქალაქეობა საქართველო
პროფესია ისტორიკოსი, პოლიტოლოგი

ბიოგრაფიარედაქტირება

ვაჟა შუბითიძე დაიბადა 1959 წლის 28 დეკემბერს ხაშურში. 1976 წელს დაამთავრა ქალაქის მე-3 საშუალო სკოლა. 1977-1982 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტზე, რომლის წარჩინებით დამთავრების შემდეგ, 1982-1985 წლებში, სწავლა გააგრძელა თსუ ასპირანტურაში და იყო ილია ჭავჭავაძის სახელობის სტიპენდიანტი.

არის ისტორიის დოქტორი (1987 წ.), პოლიტიკის მეცნიერებათა დოქტორი (2004 წ.); 2006 წლიდან დღემდე არის საქართველოს ტექნიკური უნივერსიტეტის პოლიტოლოგიის და საერთაშორისო ურთიერთობათა მიმართულების სრული პროფესორი.[1] ლექციებს კითხულობს ასევე თბილისის ღია და სასწავლო უნივერსიტეტებში.

არის მრავალი ნაშრომის, წიგნის, სტატიის, მონოგრაფიის ავტორი.

გამოქვეყნებული აქვს 90-ზე მეტი სამეცნიერო ნაშრომი (მათ შორის, 15 წიგნი, აქედან 6 მონოგრაფია, 4 სახელმძღვანელო - პოლიტოლოგია, იმიჯოლოგია, საზოგადოებასთან ურთიერთობა, ევროპეიზაცია და ქართული პოლიტიკური აზრი). წიგნისათვის „ყველა დროის 100 უდიდესი ქართველი“ (2008 წ.).[2] მიენიჭა დავით აღმაშენებლის პრემია ნომინაციაში „სამაგიდო წიგნი“. არის პოლიტიკის მეცნიერებათა აკადემიის ვიცე-პრეზიდენტი, საქართველოს ტექნიკური უნივერსიტეტის პოლიტოლოგიის მიმართულების ხელმძღვანელი, საქართველოს „პროფესორთა ლიგის“ და შუბითიძეების გვარის თავმჯდომარე. 2014 წლიდან 2017 წლამდე იყო ხაშურის მუნიციპალიტეტის საკრებულოს თავმჯდომარე. ჰყავს მეუღლე და ორი შვილი.[3]

ბიბლიოგრაფიარედაქტირება

  • ნოე ჟორდანიას პოლიტიკური შეხედულებები (ავტორი). - თბილისი, ტექნ. უნივერსიტეტი, 2003. - 195გვ.
  • რა შეუძლია პოლიტიკაში კარგ იმიჯს : იმიჯმეიკერი და პოლიტიკოსის იმიჯი (ავტორი). - თბილისი, ელფი, 2000. - 120გვ.[4]
  • ნოე ჟორდანია-პოლიტოლოგი და სოვეტოლოგი : Noe Zhordania-Politologist and Sovietologist (ავტორი). - თბილისი, კირბი, 1998. - 60გვ.
  • საქართველოს დიდი მეფეები (ავტორი). - თბილისი, გულანი, 1991. - 115გვ.[5]

რესურსები ინტერნეტშირედაქტირება

სქოლიორედაქტირება