ესპანური მარკა
ესპანური მარკა (ლათ. marca hispanica) — ოლქი, რომელიც მდებარეობდა საფრანგეთსა და არაბების ესპანურ სამფლობელოებს შორის. მოიცავდა კატალონიას, ნავარასა და არაგონის ნაწილს. ოლქი წარმოადგენდა ფრანკთა იმპერიის სამხედრო საზღვარს აღმოსავლეთ პირენეებში.
ისტორია რედაქტირება
არაბების მიერ იბერიის ნახევარკუნძულის დაპყრობის შემდეგ ეს ტერიტორია იმართებოდა სამხედრო გარნიზონების დახმარებით. 778 წელს ჩრდილო-აღმოსავლეთიდან შემოიჭრა კარლოს დიდი და ადგილობრივი მოსახლეობის დახმარებით დაიპყრო პირენეის მთების მიმდებარე ტერიტორიები. (ამ ომში დაიღუპა კარლოს დიდი ნათესავი როლანდი, რომელსაც XI საუკუნეში მიეძღვნა ცნობილი სიმღერა), მაგრამ 781 წელს ქვეყანა კვლავ არაბების ხელში გადადის. 785 წელს ფრანკებმა აიღეს ხერონა, ხოლო 801 წელს, ტულუზის გრაფის გილიომ ჟელონელის ხელმძღვანელობით დაიპყრეს ბარსელონა. 811 წელს არაბებისათვის ჩამორთმეულ ტერიტორიებს ეწოდათ ესპანური მარკა, რომელიც შედგებოდა საგრაფოებისაგან, რომელთა შორის წამყვან როლს თამაშობდა ბარსელონის საგრაფო.
ბიბლიოგრაფია რედაქტირება
- Archibald R. Lewis, "The Development of Southern French and Catalan Society, 718-1050(ინგლისური)
- the arabs in Occitania დაარქივებული 2006-12-29 საიტზე Wayback Machine. (ინგლისური)
- àrabs i francs[მკვდარი ბმული]
- Històries de Catalunya: L'imperi carolingi i la Marca Hispànicaდაარქივებული 2011-08-11 საიტზე Wayback Machine.
- Històries de Catalunya: L'origine des comtés catalans დაარქივებული 2007-01-01 საიტზე Wayback Machine.