ერბო

ერბო — საკვები პროდუქტი, რომელიც კარაქის გადადნობით მიიღება. არის თეთრი ან ღია ყვითელი ფერის და რბილი კონსისტენციის, პლაზმისგან გათავისუფლებული სუფთა რძის ცხიმი. შეიცავს 98% ცხიმს, 1% წყალს და 1% სხვა ნივთიერებებს (ცილა, რძის შაქარი, მინერალური მარილები).

ერბოს იღებენ დეფექტიანი კარაქისგან. დეფექტს იწვევს პლაზმის, წყლიანი ნაწილის, ცვლილება. გადადნობის შემდეგ პროდუქტს პლაზმა სცილდება და მისი საგემოვნო და არომატული თვისებები უმჯობესდება. ერბო დიდხანს ინახება. რძის ცხიმის შედგენილობაში შედის 50%-ზე მეტი ნაჯერი ცხიმოვანი მჟავები, 27-43% ოლეინის მჟავა და 7%-მდე პოლიუჯერი მჟავები. სხვა ცხოველურ ცხიმებთან შედარებით რძის ცხიმი დიდი რაოდენობით (0,3-0,5%) შეიცავს ქოლესტერინს

საქართველოში ერბოს დამზადების ერთ-ერთ ხერხს წარმოადგენს შემდეგი: ხანგრძლივად ადუღებენ ძროხის რძისაგან დამზადებულ კარაქს. დუღილის შედეგად წარმოიქმნება თეთრი ფერის ნალექი. ამის შემდეგ ხდება ადუღებული მასის გაწურვა საცერში, რის შემდეგაც გასუფთავებულ სითხეს კვლავ ადუღებენ და უმატებენ მარილს გემოვნებით. მას შემდეგ რაც მარილი გაიხსნება ცხელ სითხეს ასხამენ ჭურჭელში და აცივებენ.

ლიტერატურარედაქტირება

მოძიებულია „https://ka.wikipedia.org/w/index.php?title=ერბო&oldid=3788074“-დან