ენერგო-პრო ჯორჯია
ენერგო-პრო ჯორჯია — ელექტროენერგიის მწარმოებელი და დისტრიბუტორი კომპანია, რომელსაც სრულად ფლობს ჩეხური კომპანია Energo-Pro. კომპანია საქართველოში დაფუძნდა 2006 წლის 31 ივლისს,[2] ხოლო საქართველოს ენერგოსექტორში პრაქტიკული საქმიანობა 2007 წლის 29 ივნისს დაიწყო.[3]
 ენერგო-პრო ჯორჯიას ლოგო | |
| ტიპი | შვილობილი კომპანია |
|---|---|
| დარგი | ელექტროენერგიის წარმოება/დისტრიბუცია |
| მფლობელი | Energo-Pro |
| თანამშრომელი | 6000[1] |
| ფილიალი | 5 |
| სერვისის ენა | ქართული |
| საიტი | energo-pro.ge |
ენერგო-პრო ჯორჯია საქართველოში მოქმედი უმსხვილესი ენერგოკომპანიაა აბონენტების რაოდენობის, ელექტროენერგიის გაყიდვების და მომსახურების არეალის მოცულობის გათვალისწინებით, რომელიც ახორციელებს ელ. ენერგიის წარმოებას და განაწილებას საკუთარი მომსახურების ტერიტორიაზე.
ენერგო-პრო ჯორჯია ფლობს და ამუშავებს შემდეგ ჰიდრიელექტროსადგურებს: ლაჯანურჰესი, რიონჰესი, გუმათჰესი, შაორჰესი, ძევრულაჰესი, აწჰესი, საცხენიჰესი, სიონჰესი, ზაჰესი, კინკიშაჰესი, ჩხორჰესი, ჩითახევჰესი, მარტყოფჰესი და ორთაჭალჰესი.[1]
კომპანიის დისტრიბუციის არეალი საქართველოს ტერიტორიის 70 %-ზე მეტს მოიცავს.[3] ენერგო-პრო ჯორჯია დაყოფილია 5 ფილიალად და ელექტროენერგიით ამარაგებს აჭარის, სამეგრელოს, ზემო სვანეთის, გურიის, იმერეთის, რაჭა-ლეჩხუმის, შიდა ქართლის, სამცხე-ჯავახეთის, მცხეთა-მთიანეთის და ქვემო ქართლის დაახლოებით 1 200 000 აბონენტს.[1] კომპანიას დასაქმებული ჰყავს 6000-მდე ადამიანი.[1]
2017 წლის აგვისტოში ენერგო-პრო ჯორჯიამ 21,7 მილიონ ამერიკულ დოლარად შეიძინა კახეთის სადისტრიბუციო ენერგოკომპანია.[4][5]
რესურსები ინტერნეტში
რედაქტირება- ოფიციალური საიტი
- ენერგო-პრო ჯორჯია დაარქივებული 2017-02-27 საიტზე Wayback Machine. — საქართველოს ენერგეტიკის სამინისტრო
სქოლიო
რედაქტირება- ↑ 1.0 1.1 1.2 1.3 ენერგო-პრო ჯორჯიას ოფიციალური საიტი. ციტირების თარიღი: 13 მაისი, 2020.
- ↑ ენერგო-პრო ჯორჯია. bia.ge. ციტირების თარიღი: 13 მაისი, 2020.
- ↑ 3.0 3.1 სს „ენერგო–პრო ჯორჯია“ (2 დეკემბერი, 2015). ციტირების თარიღი: 13 მაისი, 2020.
- ↑ Energo-pro Georgia-მ კახეთის ენერგოდისტრიბუცია 21,7 მლნ ლარად შეიძინა. bm.ge (1 აგვისტო, 2017). ციტირების თარიღი: 13 მაისი, 2020.[მკვდარი ბმული]
- ↑ კახეთის ენერგოდისტრიბუცია ენერგო პრომ იყიდა. Imedinews.ge (1 აგვისტო, 2017). ციტირების თარიღი: 13 მაისი, 2020.[მკვდარი ბმული]