ევპატორია
ევპატორია (უკრ. Євпаторія) — საპორტო ქალაქი უკრაინაში, კლიმატურ-ბალნეოლოგიური და ტალახსამკურნალო კურორტი შავი ზღვის სანაპიროზე. რკინიგზის სადგური. სიმფეროპოლიდან 64 კმ. 2014 წლის მოსახლეობის აღწერის მიხედვით ქალაქში ცხოვრობდა 107 040 ადამიანი.
| ქალაქი | |||||
|---|---|---|---|---|---|
|
ევპატორია რუს. Евпатория | |||||
 | |||||
| |||||
| ქვეყანა |
 უკრაინა | ||||
| კოორდინატები | 45°11′38″ ჩ. გ. 33°22′05″ ა. გ. / 45.19389° ჩ. გ. 33.36806° ა. გ. | ||||
| მმართველი | Roman Tikhonchuk | ||||
| პირველი ხსენება | 497 BCE | ||||
| ფართობი | 65 კმ² | ||||
| ცენტრის სიმაღლე | 10 მ | ||||
| ოფიციალური ენა | ყირიმელი თათრების ენა, უკრაინული ენა და რუსული ენა | ||||
| მოსახლეობა | 107 040 კაცი (2014) | ||||
| სიმჭიდროვე | 481 კაცი/კმ² | ||||
| სასაათო სარტყელი | UTC+2 და UTC+3 | ||||
| სატელეფონო კოდი | +380-6569 და +7-36569 | ||||
| საფოსტო ინდექსი | 97400–97490 | ||||
| ოფიციალური საიტი | kalamit.info | ||||
_location_map.svg)  | |||||
ისტორია რედაქტირება
ძველი წელთაღრიცხვის VI-V საუკუნეებში ბერძნებმა აქ ქალაქი კერკინიტიდა გააშენეს. ძველი წელთაღრიცხვის II საუკუნეში დაიპყრეს სკვითებმა. IV საუკუნეში ქალაქმა შეწყვიტა არსებობა. XVI-XVII საუკუნეებში მის ტერიტორიაზე მდებარეობდა თურქების ციხე-ქალაქი გეზლევე (კოზლოვი, კეზლევე), რომლის სახელწოდება თესალიელებიდან მოდიოდა. ქალაქს ყირიმის რუსეთთან შეერთების შემდეგ, 1784 წელს ევპატორია ეწოდა. 1918-1920 წლებში სამოქალაქო ომის დროს რამდენიმეჯერ აიღეს თეთრგვარდიელებმა. 1920 წლის 13 ნოემბერს გაათავისუფლა წითელმა არმიამ. მეორე მსოფლიო ომის დროს, 1941 წლის 31 ოქტომბრიდან 1944 წლის 13 აპრილამდე ოკუპირებული იყო გერმანელ ფაშისტთა ჯარების მიერ.
კურორტი რედაქტირება
აქვს 20-100 მ სიგანის ქვიშიანი პლაჟი. იცის თბილი ზაფხული და რბილი ზამთარი. ნალექები 380 მმ წელიწადში. სამკურნალო საშუალება: ჰაერის, მზის, ქვიშისა და ზღვის აბაზანები, შლამის ტალახი და რაპა (მოინაკის ტბიდან), აგრეთვე ცხელი (39 °C) ქლორიდულ-ნატრიუმიანი წყალი, რომელსაც იყენებენ აბაზანებისათვის. სამედიცინო ჩვენება: ბავშვის ძვალ-სახსართა ტუბერკულოზი, პოლიომიელიტისა და ცერებრული დამბლების შემდეგ ნარჩენი მოვლენები, ქრონიკული რევმატიზმი, რაქიტი, მოზრდილებში — ნერვული სისტემის და გინეკოლოგიური დაავადებანი, საყრდენ-სამოძრაო აპარატის და ზედა სასუნთქი გზების არატუბერკულოზური დაავადებანი და სხვა.
ევპატორიაში არის სანატორიუმები, ტალახსამკურნალო, დასასვენებელი სახლები და სხვა.
ლიტერატურა რედაქტირება
- ქართული საბჭოთა ენციკლოპედია, ტ. 4, თბ., 1979. — გვ. 35.
- Григорьев Н. Н., Северинов С. С., Евпатория — курорт, Симферополь, 1967.