დავით სონღულაშვილი
დავით სონღულაშვილი (დ. 1 იანვარი, 1983) — ქართველი ეკონომისტი, პოლიტიკოსი.
| დავით სონღულაშვილი | |
|---|---|
| დაბადების თარიღი | 1 იანვარი, 1983 |
| მოქალაქეობა |
 სსრკ → საქართველო |
| განათლება | საქართველოს ტექნიკური უნივერსიტეტი |
| ეროვნება | ქართველი |
| პარტია | „ქართული ოცნება - დემოკრატიული საქართველო“ |
2004 წელს დაამთავრა საქართველოს ტექნიკური უნივერსიტეტი ეკონომიკური ინფორმატიკის მიმართულებით. 2001 წელს, სტუდენტური გაცვლითი პროგრამის ფარგლებში, ეკონომიკურ მეცნიერებებს სწავლობდა მანჩესტერის მეტროპოლიტენის უნივერსიტეტში; 2002-2006 წლებში „კავკასიის ბიზნეს სკოლაში“ დაეუფლა ბიზნესის ადმინისტრირებას; 2007-2009 წლებში გრენობლის უმაღლეს სკოლაში გაიარა საერთაშორისო ბიზნესის სამაგისტრო პროგრამა და მიენიჭა მაგისტრის აკადემიური ხარისხი. 2003 წელს ტელეკომპანია „მზე“, გაყიდვების მენეჯერი; 2004 წელს საქართველოს ეკონომიკის მინისტრის თანაშემწე; საქართველოს ეკონომიკური განვითარების სამინისტროს ადმინისტრაციის უფროსი; 2004-2006 წლებში სს „საქართველოს ბანკის“ შესყიდვების დეპარტამენტის დირექტორი; 2007-2016 წლებში იყო შპს „ედრესის“ მმართველი დირექტორი. 2016-2020 წლებში იყო საქართველოს მე-9 მოწვევის პარლამენტის წევრი (გურჯაანის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.
2020 წლიდან არის საქართველოს მე-10 მოწვევის პარლამენტის წევრი (საგარეჯოს, გურჯაანის, სიღნაღისა და დედოფლისწყაროს მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.[1]
რესურსები ინტერნეტში რედაქტირება
- დავით სონღულაშვილი — საქართველოს ბიოგრაფიული ლექსიკონი
- დავით სონღულაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო რედაქტირება
- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 19 დეკემბერი, 2020.