გიორგი დავრიშვილი

გიორგი დავითის ძე დავრიშვილი (დ. 1810 — გ. 1875) — ქართველი ექიმი.

დაამთავრა მოსკოვის უნივერსიტეტის სამედიცინო ფაკულტეტი (1830). 1830–1836 წლებში მუშაობდა საოლქო გიმნაზიის ექიმად მოსკოვში, ხოლო შემდეგ — შაქის (ნუხის) მაზრაში (ახლანდ. აზერბაიჯანის რესპუბლიკა), 1836 წელს — თბილისის ქალაქის საავადმყოფოში, 1837 წელს კი — თელავის მაზრაში. იმავე წელს მიავლინეს ქოლერის ეპიდემიის სალიკვიდაციოდ ხევსურეთში. 1846 წლიდან თბილისის, ხოლო 1866 წლიდან ალექსანდროპოლის (ახლანდ. გიუმრი, სომხეთი) სამხედრო ჰოსპიტალში მუშაობდა. იყო კავკასიის სამედიცინო საზოგადოების ერთ-ერთი დამაარსებელი და მისი აქტიური წევრი.

ლიტერატურა რედაქტირება