ბობა ფეტი
ბობა ფეტი (ინგლ. Boba Fett; /ˌboʊbə ˈfɛt/) — გამოგონილი პერსონაჟი, თავებზე მონადირე „ვარსკვლავური ომების“ სამყაროში,[1] კოსმოსური ხომალდ „მონა I“-ის პილოტი. „ეპიზოდი V: იმპერიის საპასუხო შეტევაში“ (1980) დართ ვეიდერმა იგი ჰან სოლოს დასაჭერად დაიქირავა. ბობა ფეტი აგრეთვე ჩნდება ჰატი ჯაბას სასახლეში „ეპიზოდი VI: ჯედაის დაბრუნებაში“ (1983). „ეპიზოდი II: კლონების შეტევაში“ ნათქვამია, რომ იგი არის ჯანგო ფეტის ერთ-ერთი კლონი, რომელიც პირადად როგორც მამამ ისე აღზარდა. აგრეთვე ირკვევა, რომ ჯანგო ფეტი იყო „მონა I“-ის პირველი მფლობელი. ბობა ფეტი აგრეთვე ჩნდება 2008 წლის ტელესერიალ „ვარსკვლავური ომები: კლონების ომების“ რამდენიმე ეპიზოდში.
| ბობა ფეტი | |
|---|---|
 ჯერემი ბულოკი ბობა ფეტის როლში | |
| პირველი გამოჩენა | „ვარსკვლავური ომები: საშობაო გამოშვება“ |
| ბოლო გამოჩენა | „ბობა ფეტის წიგნი (2021)“ |
| შემქმნელი | ჯორჯ ლუკასი |
| მსახიობი |
|
| ინფორმაცია | |
| სახეობა/რასა | კლონირებული ადამიანი |
| სქესი | მამრობითი |
| საქმიანობა | თავებზე მონადირე |
| ნათესავები | ჯანგო ფეტი (მამა) |
პერსონაჟი პირველად გამოჩნდა 1978 წლის დეკემბერში, სატელევიზიო ფილმში „The Star Wars Holiday Special“, როგორც იდუმალი პიროვნება, რომელიც გიგანტური მონსტრისგან გადაარჩენს ლუკ სკაიუოკერს, R2-D2-ს, ჩუბაკასა, და C-3PO-ს. შემდგომში ირკვევა, რომ იგი არის დართ ვეიდერის დაქირავებული თავებზე მონადირე.[2]
ბობა ფეტი მიჩნეულია ერთ-ერთ ყველაზე პოპულარულ პერსონაჟად „ვარსკვლავური ომების“ სამყაროში.[3][4] 2008 წელს ჟურნალმა „Empire“ ბობა ფეტს სიაში „100 ყველა დროის უდიდესი კინოპერსონაჟი“ 79-ე ადგილი მიუჩინა.
რესურსები ინტერნეტში რედაქტირება
შეგიძლიათ იხილოთ მედიაფაილები თემაზე „ბობა ფეტი“ ვიკისაწყობში.- ბობა ფეტი StarWars.com-ის Databank-ში
- ბობა ფეტი ვუკიპედიაში, „ვარსკვლავური ომების“ ვიკიში
- ბობა ფეტი — კინოფილმების ინტერნეტ-მონაცემთა ბაზა
- ბობა ფეტის ფანკლუბი
სქოლიო რედაქტირება
- ↑ Fett, Boba. Star Wars Databank. Lucasfilm. დაარქივებულია ორიგინალიდან — 2008-07-10. ციტირების თარიღი: 2010-06-03.
- ↑ Fett, Boba. Databank. Lucasfilm. ციტირების თარიღი: 13 იანვარი, 2010.
- ↑ პოლოკი, დეილ (1999). Skywalking: The life and films of George Lucas. Da Capo Press, გვ. 287. ISBN 978-0-306-80904-0.
- ↑ Montandon, Mac (2008). Jetpack Dreams: One Man's Up and Down (But Mostly Down) Search for the Greatest Invention That Never Was, გვ. 55. ISBN 978-0-306-81528-7.