არუს ასრიანი
არუს ასრიანი (სომხ. Արուս Ասրյան; დ. 9 დეკემბერი, 1904, თბილისი, რუსეთის იმპერია — გ. 28 ივნისი, 1987, ერევანი, სომხეთის სსრ) — სომეხი საბჭოთა მსახიობი. 1972 წელს მიანიჭეს საბჭოთა კავშირის სახალხო არტისტის წოდება.
| არუს ასრიანი | |
|---|---|
| მშობლიური სახელი | Արուս Ասրյան |
| დაბადების თარიღი |
9 დეკემბერი, 1904 თბილისი, რუსეთის იმპერია |
| გარდაცვალების თარიღი |
28 ივნისი, 1987 (82 წლის) ერევანი, სომხეთის სსრ, სსრკ |
| დაკრძალულია | კომიტასის პანთეონი |
| ეროვნება | სომეხი |
| მოქალაქეობა |
 რუსეთის იმპერია სსრკ |
| საქმიანობა | მსახიობი |
| აქტიური | 1918-1987 |
| მეუღლე(ები) | ვართან აჯემიანი |
დაიბადა 1904 წელს თბილისში. სწავლობდა სოფელ სანაინში. მსახიობის მამა მუშაობდა ქალაქ ალავერდის შახტაში. ცხოვრების მძიმე პირობების გამო ოჯახი გადასახლდა თბილისში.
1918 წელს თბილისში შედგა მისი თეატრალური დებიუტი და შეასრულა ანუშის როლი არმენ ტიგრანიანის ოპერაში „ანუში“. 1923 წლიდან თბილისის სომხური დრამატული თეატრის მსახიობია. 1929 წლიდან ლენინაკანში მოღვაწეობს. 1940 წლიდან ერევნის დრამატული თეატრის მსახიობია.
გარდაიცვალა 1987 წელს ერევანში. დაკრძალულია კომიტასის სახელობის პანთეონში.