ანდრუსოვოს დაზავება

(გადამისამართდა გვერდიდან ანდრუსოვოს ხელშეკრულება)

ანდრუსოვოს დაზავება — ზავი, დაიდო რუსეთსა და რეჩ პოსპოლიტას შორის, რომელმაც დაასრულა 1654-1667 წლების რუსეთ-პოლონეთის ომის აქტიური ფაზა თანამედროვე უკრაინისა და ბელარუსის ტერიტორიაზე. სახელწოდება მიიღო სოფელ ანდრუსოვოსაგან, სადაც ხელი მოეწერა შეთანხმებას.

ანდრუსოვოს დაზავების შედეგად რეჩ პოსპოლიტას ტერიტორიული დანაკარგები: სმოლენსკის ოლქი, ბრიანსკის ოლქი, კიევი და მარცხენა ნაპირის უკრაინა გადავიდა რუსეთის იმპერიის შემადგენლობაში.

დაზავებას ხელი მოაწერეს 1667 წლის 9 თებერვალს (ძვ. სტილით 30 იანვარს) რუსეთის მხრიდან ათანასე ორდინ-ნაშჩოკინმა და რეჩ პოსპოლიტას მხრიდან – ეჟი გლებოვიჩმა.

დაზავების თანახმად რეჩ პოსპოლიტამ რუსეთს დაუთმო სმოლენსკის ოლქი, ჩერნიგოვის სავოევოდო, ბრიანსკის ოლქი, კიევი და მარცხენა ნაპირის უკრაინა. რუსეთმა თავის მხრივ უარი განაცხადა ლიტვის დაპყრობაზე. მარჯვენა ნაპირის უკრაინა და ბელარუსია დარჩა რეჩ პოსპოლიტას კონტროლის ქვეშ.

რესურსები ინტერნეტშირედაქტირება