ამერიკა ჯეორჯინ ფერერა (დ. 18 აპრილი, 1984) [1] - ამერიკელი მსახიობი, გამხმოვანებელი, პროდიუსერი და რეჟისორი. ლოს ანჯელესში, კალიფორნიაში, ჰონდურასელი მშობლების ოჯახში დაბადებული ფერერა მსახიობობით დაინტერესდა ადრეულ ასაკში, იგი სკოლაში რამდენიმე სასცენო სპექტაკლში გამოდიოდა. მისი დებიუტი შედგა 2002 წელს კომედიურ დრამაში, ნამდვილი ქალები ყოველთვის ფორმაში არიან და მოიპოვა დიდება მისი შესრულებული როლისთვის. ფერერა მრავალი ჯილდოს მფლობელია, მათ შორის არის: ემის ჯილდო, ოქროს გლობუსის პრემია და კინომსახიობთა გილდიის ჯილდო.

ამერიკა ფერერა

ამერიკა ფერერა 2014 წელს, კანის კინოფესტივალზე
დაბადების სახელი ამერიკა ჯეორჯინ ფერერა
დაბადების თარიღი 18 აპრილი, 1984 (1984-04-18) (39 წლის)
ლოს-ანჯელესი, კალიფორნია, აშშ
ეროვნება ამერიკელი
მოქალაქეობა აშშ-ის დროშა აშშ
ალმა-მატერი სამხრეთ კალიფორნიის უნივერსიტეტი
საქმიანობა მსახიობი, პროდიუსერი, გამხმოვანებელი
აქტიური 2002-დღემდე
მეუღლე(ები) რაიან პირზ უილიამსი (იქ. 2011)
შვილ(ებ)ი 2

ფერერამ კარიერის დასაწყისში დიდი წარმატება მოიპოვა ისეთი ფილმებით, როგორიცაა: დისნეის Gotta Kick It Up! (2002) და დრამა „ჯინსის შარვალი: თილისმა“ (2005); ამ უკანასკნელში შესრულებული როლით, მან მოიგო Imagen-ის ჯილდო საუკეთესო მსახიობი ქალისთვის. ამის შემდეგ გამოჩნდა სატელევიზიო სივრცეშიც, მან მთავარი როლი მიიღო ABC -ს კომედიურ-დრამაში მახინჯი ბეტი (20062010). ფერერამ მოიპოვა კრიტიკოსების მოწონება სერიალის მთავარი გმირის, ბეტი სუარესის როლის შესრულებისთვის და მოიგო საუკეთესო მსახიობი ქალის ნომინაციები 2007 წლის სხვადასხვა დაჯილდოების ცერემონიალებზე, მათ შორის არის ოქროს გლობუსის ჯილდო, ეკრანის მსახიობთა გილდიის ჯილდო და პრაიმტაიმ ემი ჯილდო.

ფერერას სხვა მნიშვნელოვან ფილმებში შედის დრამა მშრალი მიწა (2010), რომანტიკული კომედია ჩვენი ოჯახის ქორწილი (2010) და კრიმინალური დრამა პატრული (2012). მან ასტრიდ ჰოფერსონი გაახმოვანა ფრენჩაიზში, როგორ მოვათვინიეროთ დრაკონი. ცოტა ხნის წინ მან NBC-ს კომედიაში, ''სუპერმარკეტში'' (2015-2020) ითამაშა ემი სოზას როლი, არის სერიალის კო-პროდიუსერიც. 'ჟურნალმა Time-მა 2007 წელს ის დაასახელა 100 ყველაზე გავლენიან ადამიანს შორის.

ადრეული ცხოვრება და განათლება რედაქტირება

ამერიკა ფერერა დაიბადა 1984 წლის 18 აპრილს, ლოს-ანჯელესში, კალიფორნიაში. არის ექვსი შვილიდან უმცროსი. [2] მისი მშობლები, ამერიკა გრისელდა აიესი და კარლოს გრეგორიო ფერერა წარმოშობით ტეგუსიგალპადან, ჰონდურასიდან იყვნენ და შეერთებულ შტატებში 70-იანი წლების შუა პერიოდში გადასახლდნენ. [3] მისი დედა დირექტორად მუშაობდა Hilton Hotels-ში. [4] როდესაც ის 7 წლის იყო, მისი მშობლები გაშორდნენ და მამა ჰონდურასში დაბრუნდა. [5] ფერერას მამა 2012 წელს გარდაიცვალა. [6]

ფერერა გაიზარდა ლოს-ანჯელესის ვუდლენდ ჰილსში, სადაც ის დადიოდა კალაბაშის ქუჩის დაწყებით სკოლაში, ჯორჯ ელერი ჰეილის საშუალო სკოლასა და ელ კამინოს უძრავი საშუალო სკოლაში . [7] შვიდი წლის ასაკიდან, როდესაც მან მცირე როლი შეასრულა ჰამლეტის სასკოლო წარმოებში, შემდეგ კი 10 წლის ასაკში, ''ოლივერში'' ფერერამ იცოდა, რომ სურდა მსახიობი ყოფილიყო. მისი პირველი სპექტაკლი იყო რომეო და ჯულიეტა, და მიუხედავად იმისა, რომ მხოლოდ მესამე კლასში იყო, ის უმცროს საშუალო სკოლაში დადიოდა. [8] იგი მთელი ახალგაზრდობის განმავლობაში თამაშობდა სასკოლო სპექტაკლებსა და კომუნიკაციურ თეატრებში, ლოს-ანჯელესში. [9] ფერერას ბავშვობაში არ მოსწონდა მისი სახელი, და სანამ პროფესიულ სამსახიობო კარიერას დაიწყებდა მეორე სახელით, ''ჯორჯინი''-თი მიმართავდნენ. [10]

ელ კამინოს საშუალო სკოლაში ყოფნისას მან მსახიობის გაკვეთილები გაიარა 15 წლის ასაკში. შემდეგ იგი ჩაირიცხა სამხრეთ კალიფორნიის უნივერსიტეტში (USC) პრეზიდენტის სტიპენდიით, ორმაგი სპეციალობით თეატრსა და საერთაშორისო ურთიერთობებში. მან სწავლა სამსახიობო კარიერაზე ფოკუსირებისთვის მიატოვა, თუმცა სწავლას დაუბრუნდა და 2013 წლის მაისში ბაკალავრის ხარისხი აიღო. [11]

პირადი ცხოვრება რედაქტირება

 
ფერერა თავის მაშინდელ საქმრო რაიან პიერზ უილიამსთან ერთად 2010 წლის ოქტომბერში

ამერიკა ფერერამ მსახიობი, რეჟისორი და მწერალი რაიან პიერზ უილიამსი სამხრეთ კალიფორნიის უნივერსიტეტში, სტუდენტური ფილმის გადაღების დროს გაიცნო. [12] წყვილი 2010 წელს დაინიშნა და იქორწინეს 2011 წლის 27 ივნისს. [13] 2018 წლის 1 იანვარს ფერერამ და უილიამსმა განაცხადეს, რომ ისინი პირველ შვილს ელოდებოდნენ. [14] მან ინსტაგრამის საკუთარ გვერდზე 2018 წლის 29 მაისს დაწერა, რომ ამ თვეში შეეძინა ბიჭი, სებასტიანი. [15][16] 2020 წლის 4 მაისს ფერერამ გააჩინა გოგონა, ლუსია. [17][18]

2018 წელს გალერეა გამომცემლობის ჯგუფმა გამოაქვეყნა მისი რედაქტირებული მოთხრობების ანთოლოგია, American Like Me: Reflections on Life between Cultures . [19]

პოლიტიკური საქმიანობა რედაქტირება

ფერერა პოლიტიკურად აქტიურია. 2008 წლის საპრეზიდენტო პრაიმერის დროს, ფერერა, ჩელსი კლინტონისა და ემბერ ტამბლინის გვერდით, ხელმძღვანელობდა Hillblazers-ის ორგანიზაციას ჰილარი კლინტონის კამპანიის მხარდასაჭერად .

ფერერა დაესწრო როგორც 2012 წლის დემოკრატიულ ეროვნული კონგრესს, შარლოტაში, ჩრდილოეთ კაროლინაში, ასევე 2016 წლის დემოკრატიულ ეროვნულ კონგრესს ფილადელფიაში. 2016 წლის კონგრესზე მან დელეგატებს სიტყვით მიმართა, როგორც სპიკერმა.[20]

 
ფერერა ჰილარი კლინტონთან ერთად 2008 წელს

ფერერა იყო ქალთა მარშის სპიკერი, ვაშინგტონში, 2017 წლის 21 იანვარს. [21]

სქოლიო რედაქტირება

  1. The Birth of America Ferrera. California Birth Index. ციტატა: „America Georgine Ferrera was born on April 18, 1984 in Los Angeles County, California.“ ციტირების თარიღი: June 18, 2014
  2. America Ferrera: Activist, Television Actress, Film Actress (1984–). A&E Networks. დაარქივებულია ორიგინალიდან — დეკემბერი 31, 2018. ციტირების თარიღი: April 22, 2013
  3. América Ferrera cambia de patito feo a diva / America Ferrera changes from ugly duckling to diva. Elheraldo.hn. დაარქივებულია ორიგინალიდან — სექტემბერი 24, 2015. ციტირების თარიღი: April 8, 2013
  4. America Ferrera, Hot Betty. დაარქივებულია ორიგინალიდან — ივნისი 28, 2010. ციტირების თარიღი: February 1, 2009
  5. Biography Today, p. 78
  6. America Ferrera's Father Passes Away. დაარქივებულია ორიგინალიდან — 2017-08-07. ციტირების თარიღი: 2021-03-11.
  7. Movies: Biography for America Ferrera. The New York Times. დაარქივებულია ორიგინალიდან — მარტი 23, 2009. ციტირების თარიღი: December 1, 2018
  8. Biography Today, p. 79
  9. America Ferrera's family background. ციტირების თარიღი: April 8, 2013"America Ferrera's family background".
  10. Miss America. Gotham. დაარქივებულია ორიგინალიდან — თებერვალი 28, 2009. ციტირების თარიღი: September 19, 2009
  11. Finn, Natalie. (May 14, 2013) America Ferrera Graduating From College After 10 Years. E! Online. ციტირების თარიღი: May 14, 2013
  12. America Ferrera Is Engaged!. People. ციტირების თარიღი: February 23, 2010
  13. America Ferrera Is Married!. People.
  14. Saad, Nardine (January 2, 2018). 'Superstore' star America Ferrera is pregnant with her first child“. Los Angeles Times.
  15. When 2 become 3....
  16. America Ferrera welcomes first child.
  17. 🌟LUCIA MARISOL WILLIAMS 🌟arrived on May 4th to give me my Mother's Day hugs and kisses herself. ციტირების თარიღი: May 11, 2020
  18. https://www.instagram.com/p/CB8xxq7hfqC/?igshid=kbw8x2q181io
  19. American like me : reflections on life between cultures, Worldcat
  20. Metha, Seema (July 27, 2016). „Actresses Lena Dunham and America Ferrera bash Trump at the DNC“. Los Angeles Times.
  21. America Ferrera, Katy Perry, Cher to Turn Out for Women's March on Washington. WNBC (January 9, 2017). ციტირების თარიღი: September 22, 2018