აზერბაიჯანის ვიცე-პრეზიდენტი
აზერბაიჯანის რესპუბლიკის პირველი ვიცე-პრეზიდენტი (აზერ. Azərbaycan Respublikasının Birinci vitse-prezidenti) — აზერბაიჯანის პრეზიდენტის შემდეგ, მეორე უმაღლესი კონსტიტუციური თანამდებობა. ამჟამინდელი ვიცე-პრეზიდენტი აზერბაიჯანის პირველი ლედი მეჰრიბან ალიევაა.
| აზერბაიჯანის ვიცე-პრეზიდენტი | |
|---|---|
 აზერბაიჯანის გერბი | |
| რეზიდენცია | ბაქო |
| დამნიშვნელი | აზერბაიჯანის პრეზიდენტი |
| დაარსდა | 2016 |
| პირველი თანამდებობაზე | მეჰრიბან ალიევა |
თანამდებობა საკონსტიტუციო ცვლილებების შედეგად შეიქმნა, რომელიც ამომრჩეველთა მიერ, 2016 წლის 26 სექტემბრის რეფერენდუმის დროს დამტკიცდა. მიმდინარე ცვლილება პრეზიდენტს უფლებას აძლევს, აირჩიოს ან გაათავისუფლოს პირველი ვიცე-პრეზიდენტი და სხვა ვიცე-პრეზიდენტები თანამდებობიდან.
პირველი ვიცე-პრეზიდენტი გახდება იმ შემთხვევაში პრეზიდენტის მოვალეობის შემსრულებელი, თუ პრეზიდენტი თანამდებობიდან გადადგება ან ქმედუუნაროა. ამ თანამდებობის შექმნამდე, ეს მოვალეობა პრემიერ-მინისტრს ეკუთვნოდა, რომელიც ამჟამად პირველი ვიცე-პრეზიდენტის შემდეგ ქვეყანაში მეორე ადამიანია.[1] ვიცე-პრეზიდენტი თანამდებობაზე ყოფნის დროს, სარგებლობს იმუნიტეტით და არ შეიძლება მისი დაპატიმრება, ბრალის წაყენება ან განაჩენის გამოტანა, გარდა დანაშაულის ადგილზე დაკავების შემთხვევებისა. ვიცე-პრეზიდენტის ხელშეუხებლობა შეიძლება შეჩერებული იყოს აზერბაიჯანის რესპუბლიკის პრეზიდენტის მიერ აზერბაიჯანის რესპუბლიკის გენერალური პროკურორის წარდგინების საფუძველზე.[2]
აზერბაიჯანის რესპუბლიკის პირველი ვიცე-პრეზიდენტისა და მისი ოჯახის უზრუნველყოფა ხორციელდება სახელმწიფოს ხარჯზე, ასევე მათი უსაფრთხოების უზრუნველყოფა ხდება დაცვის სპეცსამსახურების დახმარებით.
იმისათვის, რომ პირი გახდეს ქვეყნის ვიცე-პრეზიდენტი, ვალდებულია იყოს აზერბაიჯანის მოქალაქე, ჰქონდეს არჩევნებში მონაწილეობის უფლება, ჰქონდეს უმაღლესი განათლება და არ გააჩნდეს სხვა სახელმწიფოების მიმართ რაიმე ვალდებულება.[3]
2017 წლის 21 თებერვალს, პრეზიდენტმა ილჰამ ალიევმა, თავისი მეუღლე მეჰრიბან ალიევა, ქვეყნის პირველ ვიცე-პრეზიდენტად დანიშნა.[4]
პირველი ვიცე პრეზიდენტის სამდივნო რედაქტირება
- აზერბაიჯანის რესპუბლიკის პირველი ვიცე-პრეზიდენტის სამდივნოს ხელმძღვანელი - ალტაი გასანოვი
- პირველი ვიცე-პრეზიდენტის სამდივნოს უფროსის მოადგილე - მეხტი დადაშვი
- პირველი ვიცე-პრეზიდენტის სამდივნოს უფროსის მოადგილე - ფარიზ რზაევი
- პირველი ვიცე-პრეზიდენტის თანაშემწე - ანარ ალეკბეროვი
- პირველი ვიცე-პრეზიდენტის თანაშემწე - იუსუფ მამედალიევი
- პირველი ვიცე-პრეზიდენტის თანაშემწე - ელჩინ ამირბეკოვი
- პირველი ვიცე-პრეზიდენტის თანაშემწე - გიუნდუზ ქერიმოვი
ვიცე-პრეზიდენტების სია რედაქტირება
| № | სურათი | სახელი (დ.–გ.) |
თანამდებობაზე | პარტია | |
|---|---|---|---|---|---|
| თანამდებობა შეიქმნა 2016 წლის 26 სექტემბერს | |||||
| ვაკანტური თანამდებობა (26 სექტემბერი 2016 – 21 თებერვალი 2017) | |||||
| 1 | მეჰრიბან ალიევა (დ. 1964) |
21 თებერვალი 2017 - დღემდე | ახალი აზერბაიჯანი | ||
რესურსები ინტერნეტში რედაქტირება
სქოლიო რედაქტირება
- ↑ „Mehriban Aliyeva appointed first vice-president of Azerbaijan“ (ინგლისური). APA Information Agency, APA. დაარქივებულია ორიგინალიდან — 2017-09-04. ციტირების თარიღი: 2017-04-20.
- ↑ What powers does Azerbaijan’s First Vice-President have? დაარქივებული 2017-02-22 საიტზე Wayback Machine. Azerbaijan Press Agency 21 February 2017
- ↑ „What powers does Azerbaijan’s First Vice-President have?“. Azerbaijan Press Agency. 21 February 2017. დაარქივებულია ორიგინალიდან — 22 თებერვალი 2017. ციტირების თარიღი: 21 February 2017.
- ↑ „Meeting of Security Council held under chairmanship of President Ilham Aliyev VIDEO“ (ინგლისური). Azertag. 21 February 2017. ციტირების თარიღი: 11 March 2017.