New Order

New Order (ქართ. ახალი წესრიგი) — ინგლისური როკ-ჯგუფი, რომელიც 1980 წელს ჩამოაყალიბეს ბერნარდ სამნერმა (ვოკალი, გიტარა, სინთეზატორი), პიტერ ჰუკმა (ბას-გიტარა, ვოკალი, ელექტრონული დასარტყმელი საკრავები) და სტივენ მორისმა (დასარტყმელი საკრავები, სინთეზატორი). ჯგუფი შეიქმნა წინამორბედი კოლექტივის, Joy Division-ის დაშლის შემდეგ. მათ აგრეთვე შეუერთდა გიტარისტი ჯილიან გილბერტი.

New Order
ჯგუფის გამოსვლა 2012 წელს
ბიოგრაფია
წარმოშობა	სელფორდი, მანჩესტერი, ინგლისი
ჟანრ(ებ)ი	ალტერნატიული საცეკვაო მუსიკა სინთპოპი პოსტ-პანკი ახალი ტალღა საცეკვაო როკი ელექტრონიკა
აქტიური	1980–1993 1998–2007 2011–დღემდე
ლეიბლ(ებ)ი	Factory London Qwest Warner Bros. Reprise Mute
წევრები	ბერნარდ სამნერი სტივენ მორისი ფილ კანინგემი ჯილიან გილბერტი ტომ ჩეპმენი
ყოფილი წევრები	პიტერ ჰუკი
საიტი	neworder.com
New Order ვიკისაწყობში

ჯგუფის მუსიკა ითავსებს პოსტ პანკსა და ელექტრონულ საცეკვაო რითმებსა და მელოდიებს. New Order იქცა 1980-იანი წლების ერთ-ერთ წარმატებულ კოლექტივად. მიუხედავად იმისა, რომ პირველ წლებში მათ ჯერ ჰქონდათ შენარჩუნებული Joy Division-ის სტილი, ნიუ იორკის საცეკვაო სცენის გაცნობამ ხელი შეუწყო მათ მუსიკაში ელექტრონული მელოდიების ინტეგრირებას. მათი 1983 წლის ჰიტი „Blue Monday“ ამ გავლენის ნათელი მაგალითია. ჯგუფი არის ლეიბლის Factory Records ყველაზე ცნობილი წარმომადგენელი, ხოლო მათი სინგლებისა და ალბომების მინიმალისტურმა ყდებმა ხაზი გაუსვეს ამ ლეიბლის ესთეთიკას. როგორც ამტკიცებენ, New Order-მა დიდი გავლენა იქონია ალტერნატიული როკის განვითარებაზეც.

1993-1998 წლებში ჯგუფი დროებით დაშლილი იყო, დაბრუნდა 1998 წელს, ხოლო 2001 წელს გამოუშვა მორიგი სტუდიური ალბომი Get Ready. 2005 წელს ფილ კანინგემმა (გიტარა, სინთეზატორი) შეცვალა გილბერტი, რომელმაც ოჯახური მიზეზების გამო დატოვა New Order. 2007 წელს პიტერ ჰუკმა განაცხადა, რომ მას და სამნერს ერთად თანამშრომლობის გეგმები აღარ ჰქონდათ. მიუხედავად ამისა, ჯგუფი 2011 წელს, ჰუკის გარეშე აღდგა, გილბერტის მონაწილეობით.

დისკოგრაფია

სტუდიური ალბომები

• Movement (1981)
• Power, Corruption & Lies (1983)
• Low-Life (1985)
• Brotherhood (1986)
• Technique (1989)
• Republic (1993)
• Get Ready (2001)
• Waiting for the Sirens' Call (2005)
• Lost Sirens (2013)
• Music Complete (2015)

რესურსები ინტერნეტში

• შეგიძლიათ იხილოთ მედიაფაილები თემაზე „New Order“ ვიკისაწყობში.
• NewOrder.com – ოფიციალური საიტი
• New Order Online – ჯგუფის მიერ ნებადართული მოყვარულების საიტი