Kula Shaker
Kula Shaker — ინგლისური ფსიქოდელიური როკ ჯგუფი.[1] კრისპიენ მილზის[2] ლიდერობით პოსტ-ბრიტპოპის პოპულარობის პერიოდში, 1990-იანი წლების ბოლოს ჯგუფმა მიაღწია მნიშვნელოვან წარმატებას. 1996-1999 წლებში მან გამოსცა რამდენიმე სინგლი, რომელთა ნაწილი მოხვდა ბრიტანული ჩარტის საუკეთესო 10-ეულებში, მათ შორის - "Tattva", "Hey Dude", "Govinda", "Hush" და "Sound of Drums".[3] გარდა ამისა, მისი სადებიუტო ალბომი K მოხვდა ბრიტანული ჩარტის პირველ ადგილზე და Oasis-ის ალბომის Definitely Maybe შემდეგ იქცა ყველაზე სწრაფად გაყიდვად სადებიუტო ალბომად. ბრიტანეთში მან 1997 წლის იანვარში შეიძინა ორმაგი პლატინის სტატუსი.[4]
| Kula Shaker | |
|---|---|
 ჯგუფი 2007 წელს | |
| ბიოგრაფია | |
| წარმოშობა | ლონდონი, ინგლისი |
| ჟანრ(ებ)ი | ფსიქოდელიური როკი, ბრიტპოპი, რაგა როკი, ნეო-ფსიქოდელია |
| აქტიური | 1995–1999, 2004–დღემდე |
| ლეიბლ(ებ)ი | Columbia, Sony BMG, Cooking Vinyl, Strange F.O.L.K. |
| წევრები |
კრისპიენ მილზი ალონზა ბევანი პოლ ვინტერჰერტი ჰარი ბროუდბენტი |
| ყოფილი წევრები | ჯეი დარლინგტონი |
| საიტი | kulashaker.co.uk |
| Kula Shaker ვიკისაწყობში | |
Kula Shaker ცნობილია იმით, რომ საკუთარ მუსიკაში ინდური მუსიკის, კულტურისა და ფილოსოფიის ელემენტებს იყენებს. მათი სიმღერების ნაწილი, მაგალითად "Tattva" და "Govinda", დაწერილია სანსკრიტზე.[1][5] თავად ჯგუფის სახელი მომდინარეობს მეფე კულასეკჰარასგან, VIII საუკუნის ცნობილი იმპერატორისგან.[6] ამასთან, ჯგუფის მრავალი სიმღერა შეიცავს ინდური ხალხური ინსტრუმენტების (მაგალითად, სიტარისა და ტაბლას) ჟღერადობას, აღრეულს როკ-მუსიკისათვის ტრადიციულ ინსტრუმენტებთან.[1][7] გარდა იმისა, რომ ინტერესმა ინდური კულტურისადმი ჯგუფის წევრებში გაიღვიძა 1990-იან წლებში ინდოეთში მოგზაურობის შედეგად, მასზე გავლენა იქონია The Beatles-ს და 1960-იანი წლების სხვა ჯგუფების მუსიკაში გამოყენებულმა ინდურმა ჰანგებმა.
მეორე ალბომის გამოცემამდე სკანდალი გამოიწვია მილზის ინტერვიუებმა ჟურნალებთან NME და Melody Maker, სადაც იგი საუბრობდა ნაციზმსა და სვასტიკის სიმბოლოზე. 1997 წელს გამოცემამ The Independent on Sunday ამას მიუძღვნა პირველ გვერდზე გამოტანილი პუბლიკაცია მილზის კომენტარებით და მტკიცებულებებით, რომ მას უბრალოდ ნაცისტური იდეების მიმდევრობა დააბრალეს. ჯგუფის იმიჯზე ამან რადიკალური გავლენა იქონია [1][8] და მისმა ალბომების გაყიდვებმა იკლეს. მიუხედავად ამისა, მეორე სტუდიური დისკი Peasants, Pigs & Astronauts მოხვდა ბრიტანეთის საუკეთესო 10-ეულში.
1999 წლის სექტემბერში Kula Shaker დაიშალა.[9], მაგრამ დაბრუნდა 2004 წელს, რათ შეედგინა კრებული School of Braja. ამას მოჰყვა სრულყოფილი დაბრუნება, თუმცა ამ გეგმების შესახებ უცნობი იყო 2006 წლამდე.[6][10] ჯგუფის მესამე ალბომი Strangefolk გამოიცა 2007[11], ხოლო მეოთხე, Pilgrims Progress - 2010 წელს.
დისკოგრაფია რედაქტირება
მთავარი სტატია: Kula Shaker-ის დისკოგრაფია.- K (1996)
- Peasants, Pigs & Astronauts (1999)
- Strangefolk (2007)
- Pilgrims Progress (2010)
- K 2.0 (2016)
სქოლიო რედაქტირება
- ↑ 1.0 1.1 1.2 1.3 Kula Shaker Biography. Allmusic. ციტირების თარიღი: 2010-05-05.
- ↑ „Crispian Mills: Big Mouth Strikes Again“. London: The Independent. 2007-09-24. ციტირების თარიღი: 2010-05-05.
- ↑ Brown, Tony. (2000). The Complete Book of the British Charts. Omnibus Press, გვ. 484. ISBN 0-7119-7670-8.
- ↑ Kula Shaker Certified Awards. BPI. დაარქივებულია ორიგინალიდან — 2017-10-06. ციტირების თარიღი: 2010-05-05.
- ↑ Hyder, Rehan. (2004). Brimful of Asia: Negotiating Ethnicity on the UK Music Scene. Ashgate Publishing Limited, გვ. 62. ISBN 0-7546-4064-7.
- ↑ 6.0 6.1 The Legend of the King. Kulashaker.co.uk. დაარქივებულია ორიგინალიდან — 2010-06-14. ციტირების თარიღი: 2010-05-05.
- ↑ Gardner, Elysa (1996-11-18). „Play That Funky Sanskrit Music, Brit Boys“. Los Angeles Times. ციტირების თარიღი: 2010-05-05.
- ↑ Peasants, Pigs & Astronauts review. Allmusic. ციტირების თარიღი: 2010-05-05.
- ↑ Last Shake. NME (September 30, 1999). ციტირების თარიღი: 2010-05-05.
- ↑ Kula Shaker Reform. NME (January 9, 2006). ციტირების თარიღი: 2010-05-05.
- ↑ Strangefolk review. Allmusic. ციტირების თარიღი: 2010-05-05.
