ჰენდელი და ჰენდრიქსი ლონდონში
ჰენდელი და ჰენდრიქსი ლონდონში (ადრე ჰენდელის სახლი მუზეუმი) — მუზეუმი ლონდონში, მეიფერში, რომელიც ეძღვნება გერმანული წარმოშობის ბრიტანელი ბაროკოს კომპოზიტორის გეორგ ფრიდრიხ ჰენდელისა და ამერიკელი როკ მომღერალ-გიტარისტის ჯიმი ჰენდრიქსის ცხოვრებასა და შემოქმედებას.
ჰენდელმა ლონდონში პირველი სახლი 1712 წელს შეიძინა, ხოლო ბრიტანეთის მოქალაქე საბოლოოდ გახდა 1727 წელს. ჰენდელი იყო პირველი მკვიდრი ბრუკის 25-ე ქუჩაზე, ეს სახლი ჰენდელმა იქირავა 1723 წლიდან 1759 წლამდე, იქ გარდაცვალებამდე. თითქმის ყველა მისი ნამუშევარი 1723 წლის შემდეგ, მათ შორის ბევრი მისი ყველაზე ცნობილი ოპერა, ორატორიები და საზეიმო მუსიკა, შეიქმნა ამ სახლში. მას სახლში ჰქონდა რამდენიმე მუსიკალური ინსტრუმენტი, მათ შორის კლავესინი, კლავიკორდი და პატარა კამერული ორგანო.
მუზეუმი 2001 წელს გაიხსნა Handel House Trust-ის მიერ, სახლის მუზეუმად გახსნის იდეა სტენლი სადის ინიციატივა იყო, 1959 წელს. იგი მოიცავს 25-ე ბრუკ სტრიტის სართულის პირველ და მეორე სართულების აღდგენილი ოთახების კომპლექტს. 2016 წელს მუზეუმი გაფართოვდა და მოიცვა 23-ე ბრუკ სტრიტის ზედა სართულები, რომელიც იყო ჯიმი ჰენდრიქსის სახლი 1960-იანი წლების ბოლოს.
მუზეუმი რედაქტირება
ბრუკის ქუჩაზე, მუზეუმის დაარსების ორიგინალური იდეა მისი ორიგინალური და ყველაზე გამორჩეული მობინადრის აღსანიშნავად, პირველად გაჩნდა მუსიკოლოგ სტენლი სადის მიერ, 1959 წელს, მოდის კომპანია Viyella–ს მიერ იქ გამართულ წვეულებაზე, რომელიც გაიმართა ჰენდელის გარდაცვალების ოცი წლისთავის აღსანიშნავად. 30 წლის შემდეგ, 1990-იანი წლების დასაწყისში სადიმ და მისმა მეუღლემ ჯულიმ შექმნეს Handel House Trust, საქველმოქმედო ორგანიზაცია, რომელიც ზედამხედველობდა სახლის მუზეუმად გადაქცევის პროცესს. [1]
სახლი აღდგა ისე, როგორც ჰენდელის 36 წლიანი ბინადრობის დროს 1723 წლიდან 1759 წლამდე იყო. ეს იყო ტიპური მე-18 საუკუნის დასაწყისის ლონდონის ტერასა, რომელიც მოიცავს სარდაფს, სამ მთავარ სართულს და სხვენს. ჰენდელი ამ სახლის პირველი მობინადრე იყო. სხვენი მოგვიანებით გადაკეთდა მეოთხე სრულ სართულზე. პირველი სართული არის მაღაზია, რომელიც არ არის დაკავშირებული მუზეუმთან, ხოლო ზედა სართულები ღიაა საზოგადოებისთვის 2001 წლის 8 ნოემბრიდან.
ინტერიერი აღდგენილია სპარტანულ სტილში.
Handel House Collection Trust-მა შეაგროვა ჰენდელის სამახსოვრო ნივთების კოლექცია.
ისტორია რედაქტირება
ჰენდელმა 25 ბრუკის ქუჩა 1723 წლის ზაფხულში იქირავა, მას შემდეგ რაც ჯორჯ II-მ კომპოზიტორად დანიშნა სამეფო სამლოცველოში, რისთვისაც მას უხდიდნენ 400 ფუნტს წელიწადში. სახლი ახალ აშენებული იყო 23, 27/29 და 31 ნომრებით ჯორჯ ბარნსის მიერ, როგორც ბრუკის ქუჩის დაგეგმილი გაფართოება, რომელიც აკავშირებდა ჰანოვერის მოედანს გროსვენორის მოედანთან, 1717-1726 წლებში. თავდაპირველად, როგორც უცხო ქვეყნის მოქალაქე, ჰენდელს არ ჰქონდა უფლება ეყიდა სახლი; აღსანიშნავია ის ფაქტი, რომ იგი იქ დარჩა სიცოცხლის ბოლომდე, თითქმის 40 წელი, ვინაიდან იმ დროს საოპერო კომპოზიტორებს იშვიათად ჰქონდათ მუდმივი საცხოვრებელი ადგილი; მანამდე ჰენდელი ძირითადად ცხოვრობდა მეგობრების სახლში.
დიდი წინა ოთახი გამოიყენებოდა რეპეტიციისთვის და ალბათ შეიცავდა კლავესინს და პატარა, სახლის კამერის ორგანოს. მუზეუმი ამჟამად შეიცავს ფლამანდიური ფირმის Ruckers-ის პერიოდის კლავესინის რეპროდუქციას; აღნიშნული ორგანო, რომელიც შექმნილია რიჩარდ ბრიჯისა და ტომას პარკერის დიზაინის მიხედვით, გაკეთდა Handel House Trust–ისთვის 1998 წელს და მისი ნახვა შესაძლებელია ჰენდელის სამრევლო ეკლესიაში, წმინდა ჯორჯის, ჰანოვერის მოედანზე. [2]
სახლის უკანა გვერდი იყო ჰენდელის საკომპოზიტორო ოთახი, სადაც ალბათ განთავსებული იყო ჰენდელის კლავიკორდი. ინსტრუმენტი, რომელსაც ჰენდელი იყენებდა კომპოზიციის შექმნის დროს, საკმაოდ მოსახერხებელი იყო მოგზაურობისთვის. ჰენდელის ბიოგრაფების თანახმად, ამ კლავიკორდს იგი ფარულად უკრავდა ბავშვობაში, თავისი სახლის გარდერობში. ეს კლავიკორდი დამზადდა 1727 წელს, დამზადებულია ანიბაელ ტრაერის მიერ. ახლა ეს ისტრუმენტი კენტში, მეიდსტოუნის მუზეუმსა და ხელოვნების გალერეაშია. [3]
მეორე სართულის დარჩენილი ოთახები მოიცავდა ძირითად საძინებელს.
ჰენდელი თავის სახლს არამხოლოდ რეპეტიციისთვის იყენებდა, არამედ ბიზნესისთვისაც: 1730-იანი წლების ბოლოს ალექსანდრეს დღესასწაულისა და სხვა ნამუშევრების ყიდვა პირდაპირ აქ იყო შესაძლებელი. მისი სახლში ასევე იყო ფართო ხელოვნების კოლექცია. სიცოცხლის ბოლომდე ჰენდელს გააჩნდა 80-ზე მეტი ნახატი და ანაბეჭდი, მათ შორის ვატო, ტენიერსისა და პუსინის ნამუშევრები. [2]
ბიბლიოგრაფია რედაქტირება
- Riding, Jacqueline; Burrows, Donald; Hicks, Anthony (2001) Handel House Museum Companion. University of California: Handel House Trust. ISBN 0-9541670-0-7.
- Schoelcher, Victor (1857). Life of Handel, Translated by J. Lowe, 2nd, Oxford University: Tiger of the Stripe. ISBN 1-904799-38-8.
- Brauchli, Bernard (1998). The Clavichord. Cambridge, UK: Cambridge University Press. ISBN 0-521-63067-3.
- Van Til, Maria (2007). George Frideric Handel: A Music Lover's Guide to His Life, His Faith & the Development of Messiah and His Other Oratorios. Youngstown, NY: WordPower Publishing. ISBN 978-0-9794785-0-5.
- Vickers, David (2001), "London Sings Hallelujah: A report from the long-awaited Handel House Museum", Andante, http://www.gfhandel.org/handelhouse/handelhousevickersarticle.pdf. წაკითხვის თარიღი: 11 სექტემბერი 2021 დაარქივებული 30 May 2013[Date mismatch] საიტზე Wayback Machine.Category:Webarchive-ის თარგის შეტყობინებები