ჭიათურის დრამატული თეატრი
ჭიათურის დრამატული თეატრი − აკაკი წერეთლის სახელობის დრამატული თეატრი ქალაქ ჭიათურაში. თეატრის ცენტრალური დარბაზი გათვლილია 600 მაყურებელზე.
ისტორია რედაქტირება
დრამატული თეატრი - 1894 წლის 11 დეკემბერს დაარსდა, ხოლო 1910 წლიდან მას მუდმივმოქმედი დასი ჰყავს. მე-20 საუკუნის 20-30 წლები თეატრის ოქროს ხანად მიიჩნევა. ამ წლებში თეატრმა დადგა: შექსპირის, მოლიერის, ლოპე დე ვეგას დავით კლდიაშვილის, პოლიკარპე კაკაბაძის და სხვათა პიესები. აღსანიშნავია, რომ სპექტაკლი „ყვარყვარე თუთაბერი“ ქართული თაეატრის ისტორიაში ამ პიესის ერთ-ერთ საუკეთესო განხორციელებად ითვლება, ხოლო მასში მთავარი როლის შემსრულებელი, საქართველოს სახალხო არტისტი მიხეილ ვაშაძე ამ სცენური სახის ერთ-ერთ საუკეთესო შემსრულებლად. თეატრმა 1949 წელს ბინა ახალ შენობაში დაიდო და მას აკაკი წერეთელის სახელი მიენიჭა.[1]
ჯილდოები რედაქტირება
მე-20 საუკუნის მეორე ნახევარში ჭიათურის თეატრი განსაკუთრებული შემოქმედებითი წარმატებებით გამოირჩეოდა. მან ორჯერ გაიმარჯვა საკავშირო ფესტივალზე, ხოლო უნგრული დრამატურგიის საერთაშორისო ფესტივალზე მთავარი პრიზი დაიმსახურა.
თეატრში მოღვაწეობდნენ: რედაქტირება
- გრიგოლ ტყაბლაძე — თეატრისა და კინოს მსახიობი
- თამარ აბაშიძე - თეატრისა და კინოს მსახიობი
- ალექსანდრე წუწუნავა - რეჟისორი, სცენარისტი, თეატრის მსახიობი
- შოთა ცუცქირიძე - მსახიობი, რეჟისორი , თეატრმცოდნე
- მიხეილ ვაშაძე - თეატრისა და კინოს მსახიობი
- არჩილ გომიაშვილი - თეატრისა და კინოს მსახიობი
- ნოდარ ჩაჩანიძე - თეატრისა და კინოს მსახიობი
- ამირან ნასყიდაშვილი - თეტრის და კინოს მსახიობი
თეატრის ყოფილი მმართველები რედაქტირება
თეატრის დღევანდელი მმართველია ნანა წერეთელი.
ლიტერატურა რედაქტირება
- ცუცქირიძე შ., ქართული საბჭოთა ენციკლოპედია, ტ. 11, თბ., 1987. — გვ. 394.