ჩაისებრნი
ჩაისებრნი (ლათ. Theaceae) — ორლებნიან მცენარეთა ოჯახი. მარადმწვანე, იშვიათად ფოთოლმცვივანი, მცირე ან საშუალო ზომის ხეები და ბუჩქებია. მთლიანი, ჩვეულებრივ ტყავისებრი, მორიგეობით განლაგებული ფოთლები აქვთ. მათი ორსქესიანი ყვავილები (თეთრი, ვარდისფერი, წითელი, ყვითელი) უმეტესად მარტოული და დიდია.
| ჩაისებრნი | ||||||||||||||
|---|---|---|---|---|---|---|---|---|---|---|---|---|---|---|
 ჩაი (Camellia sinensis) | ||||||||||||||
| მეცნიერული კლასიფიკაცია | ||||||||||||||
| ||||||||||||||
| ლათინური სახელი | ||||||||||||||
|
Theaceae Mirb. ex Ker Gawl. (1816), nom. cons. | ||||||||||||||
| სინონიმები | ||||||||||||||
| ||||||||||||||
| ||||||||||||||
სხვადასხვა მონაცემებით ოჯახში განსხვავებული რაოდენობის გვარი და სახეობა შედის (30-მდე გვარის 550-ზე მეტი სახეობა[1], 15 გვარის 370 სახეობა[2], 9 გვარი[3] და სხვ.). გავრცელებულია ტროპიკულ, სუბტროპიკულ და ნაწილობრივ ზომიერ სარტყელში (ჩრდილოეთი ამერიკა, აღმოსავლეთი აზია).
გეოლოგიურ წარსულში ჩაისებრთა არეალი კოლხეთსაც მოიცავდა. იმერეთის მიოცენურ, ასევე აფხაზეთისა და გურიის პლიოცენურ ნალექებში ნაპოვნია ჩაისებრთა ფოთლის ანაბეჭდები (Camellia, Franklinia, Schima, Ternstroemia). დასავლეთ საქართველოში გაშენებულია ჩაი, ბათუმისა და სოხუმის ბოტანიკურ ბაღებში ხარობს კამელია, Sturtia, Eurya, Ternstroemia.
ლიტერატურა რედაქტირება
- ჩოჩიევა კ., ქართული საბჭოთა ენციკლოპედია, ტ. 11, თბ., 1987. — გვ. 73.
სქოლიო რედაქტირება
- ↑ ქართული საბჭოთა ენციკლოპედია, ტ. 11, თბ., 1987. — გვ. 73.
- ↑ Theaceae on The Plant List
- ↑ Stevens, P.F., „Theaceae“, Angiosperm Phylogeny Website, http://www.mobot.org/MOBOT/research/APweb/orders/ericalesweb.htm#Theaceae. წაკითხვის თარიღი: 2014-09-18