შავარდნისნაირნი (ლათ. Falconiformes) — ფრინველთა რიგი. მოიცავს 11 გვარის 60-მდე სახეობის დღის მტაცებელ ფრინველს.[1] მათი სხეულის მასა 35 გ-იდან 1,735 გ-ს აღწევს. მონოგამები არიან, ქმნიან მტკიცე წყვილებს. ბუდობენ ხეებზე, ნიადაგზე, კლდეებზე, ხანდახან სხვის ბუდეებსაც იყენებენ. უმრავლესობა ცხოველური საკვებით იკვებება. ახასიათებს ვიწრო კვებითი სპეციალიზაცია. სქესმწიფობას წვრილი ფორმები აღწევენ 1 წლის, მსხვილები 3-4 წლის ასაკში. რიგი მოიცავს ერთადერთ ოჯახს: შავარდნისებრნი. ადრე რიგში გაერთიანებული იყო შავარდნისებრნი, შაკისებრნი, ფრინველმდივანისებრნი, ქორისებრნი, ამერიკული სვავისებრნი.
