ფონ-დე-გომი (ფრანგ. Font-de-Gaume) — გამოქვაბული სამხრეთ-დასავლეთ საფრანგეთში, დორდონის დეპარტამენტში. იგი შეიცავს პრეისტორიულ პოლიქრომიულ კლდის მხატვრობას და გრავიურებს. ნახატები 1901 წლის 12 სექტემბერს აღმოაჩინა ადგილობრივმა პედაგოგმა დენის პეირონმა. გამოქვაბული მანამდეც იყო ფართო საზოგადოებისთვის ცნობილი, თუმცა ნახატების მნიშვნელობა არ იყო აღიარებული.[1] გვხვდება დაახლოებით 230 გრავიურული და მხატვრული ბიზონების (82), ცხენების, მამონტების, ირმების, ბეწვიანი მარტორქებისა და მგლის გამოსახულებანი. მხატვრობის დიდი ნაწილი აღმოჩენილია უკანასკნელ ათწლეულებში. მღვიმის მეტად ცნობილი ნახატი, ფრიზის ხუთი ბიზონის გამოსახულება, შემთხვევით აღმოაჩინეს 1966 წელს. მოცულობითი ეფექტისათვის გამოყენებულია გამოქვაბულის რელიეფური კედლებიც.

ფონ-დე-გომი
Font-de-Gaume
ფონ-დე-გომი
ფონ-დე-გომი
კოორდინატები: 44°56′05″ ჩ. გ. 1°01′44″ ა. გ. / 44.93472° ჩ. გ. 1.02889° ა. გ. / 44.93472; 1.02889
ქვეყანა საფრანგეთის დროშა საფრანგეთი
ტერიტორიული ერთეული აკვიტანია
ტიპი კულტურული
ფონ-დე-გომი — საფრანგეთი
ფონ-დე-გომი

ფონ-დე-გომი თარიღდება მადლენის კულტურის დროით (ძველი წელთაღრიცხვის 15000-11000 წლები). გამოქვაბულთან გვხვდება ცარცული ასაკის კირქვები. გამოქვაბულს აქვს ვიწრო შესასვლელი, რომლის სიგრძეა 125 მ, სიგანე 2-3 მ, ხოლო სიმაღლე 8 მეტრამდე.

რესურსები ინტერნეტში რედაქტირება

სქოლიო რედაქტირება