უმ-არ-რასასი
უმ-არ-რასასი (არაბ. الرّصاصأم) — არქეოლოგიური ძეგლი იორდანიაში, რომელიც მოიცავს რომაული, ბიზანტიური და ადრეული მუსლიმური ცივილიზაციების არქიტექტურულ ნანგრევებს. ძეგლის უმთავრესი ნაწილი ჯერ კიდევ გაუთხრელია, ხოლო შესწავლილ ნაწილზე აღმოჩენილია სამხედრო ბანაკი და რამდენიმე ეკლესია. ცივილიზაციათა ამ უნიკალური ნარევის გამო, 2004 წელს ძეგლი იუნესკომ მსოფლიო მემკვიდრეობის სიაში შეიტანა.
| უმ-არ-რასასი* | |
|---|---|
| იუნესკოს მსოფლიო მემკვიდრეობის ძეგლი | |
| |
| ქვეყანა |  იორდანია
|
| ტიპი | კულტურული |
| კრიტერიუმები | i, iv, vi |
| სია | [1] |
| რეგიონი** | არაბული სახელმწიფოები |
| კოორდინატები | 31°29′59″ ჩ. გ. 35°55′11″ ა. გ. / 31.49972° ჩ. გ. 35.91972° ა. გ. |
| გაწევრიანების ისტორია | |
| გაწევრიანება | 2004 (28-ე სესია) |
| ნომერი | 1093 |
| * იხ. ინგლ. სახელი UNESCO-ს სიაში. ** იუნესკოს მიერ კლასიფიცირებული რეგიონი. | |
|
მსოფლიო მემკვიდრეობა UNESCO, ობიექტი № 1093 ინგლ. • რუს. • ფრ. |
ძეგლზე გაკეთებული ყველაზე მნიშვნელოვანი აღმოჩენა წმინდა სტეფანეს ტაძარში არსებული მოზაიკური იატაკია, რომელიც 785 წლით თარიღდება (აღმოაჩინეს 1986 წელს). იგი საუკეთესოდაა შემონახული და უდიდესია იორდანიაში. ცენტრალურ პანელზე გამოსახულია ნადირობისა და თევზაობის სცენები. განსაკუთრებით დეკორირებულია მოზაიკის ჩარჩო. როგორც ირკვევა, მოზაიკაზე ექვს ოსტატს უმუშავია.
