ტაშირის სერი

ტაშირის სერი — ქედი საქართველოში, სამცხე-ჯავახეთის მხარის ბორჯომის მუნიციპალიტეტში. წარმოადგენს მესხეთის ქედის აღმოსავლეთი ბოლოს განშტოებას. მდინარეებს ბანისხევსა და ლიკანისხევს შორის (მტკვრის მარცხენა შენაკადები). გამოეყოფა ლომისმთის ერთ-ერთ ტოტს. შუა ნაწილის მწვერვალის სიმაღლეა 1654 მ. აგებულია ეოცენური ვულკანოგენური წყებით. შემოსილია ფოთლოვანი და წიწვიანი ტყით.

იხილეთ აგრეთვე

• საქართველოს ქედების სია

ლიტერატურა

• მარუაშვილი ლ., ქართული საბჭოთა ენციკლოპედია, ტ. 9, თბ., 1985. — გვ. 669.