სუჯუნა
სუჯუნა — სოფელი საქართველოში, სამეგრელო-ზემო სვანეთის მხარის აბაშის მუნიციპალიტეტში, თემის ცენტრი (სოფლები: სუჯუნა, ეწერი, წალიკარი).[2] მდებარეობს ოდიშის დაბლობზე, მდინარე აბაშის ნაპირას. ზღვის დონიდან 15 მეტრზე. ქალაქ აბაშიდან დაშორებულია 6 კილომეტრით.
| სოფელი | |
|---|---|
|
სუჯუნა | |
| ქვეყანა |
 საქართველო |
| მხარე | სამეგრელო-ზემო სვანეთის მხარე |
| მუნიციპალიტეტი | აბაშის მუნიციპალიტეტი |
| თემი | სუჯუნა |
| კოორდინატები | 42°11′58″ ჩ. გ. 42°09′07″ ა. გ. / 42.19944° ჩ. გ. 42.15194° ა. გ. |
| ცენტრის სიმაღლე | 15 მ |
| ოფიციალური ენა | ქართული ენა |
| მოსახლეობა | 1117[1] კაცი (2014) |
| ეროვნული შემადგენლობა | ქართველები 99,9 % |
| სასაათო სარტყელი | UTC+4 |
| სატელეფონო კოდი | +995 |
.svg)   | |
ისტორია რედაქტირება
1796 წელს სუჯუნაში ეკლესია ააშენა ანტონ ცაგარელ-ჭყონდიდელმა. სუჯუნა იყო ჭყონდიდელი ეპისკოპოსების საზამთრო რეზიდენცია და პირველი დაბა სამეგრელოში. 1858-1930 წლებში სუჯუნა იყო საბოქაულოს ცენტრი. 1870 წელს აბაშაში რკინიგზის სადგურის გახსნის შემდეგ სუჯუნა ცოტა დაქვეითდა. 1897 წელს სოფელში გაიხსნა სამკითხველო.[3] 1913-1915 წლებში სუჯუნის ორკლასიან სკოლაში ასწავლიდა ილია სიხარულიძე. სუჯუნა საბოლოოდ დაქვეითდა 1930 წელს, როცა სუჯუნას საბოქაულოს ბაზაზე შეიქმნა აბაშის რაიონი, რომლის ცენტრად გამოცხადდა დაბა აბაშა.
დემოგრაფია რედაქტირება
2014 წლის აღწერის მონაცემებით სოფელში ცხოვრობს 1117 ადამიანი.
| აღწერის წელი | მოსახლეობა | კაცი | ქალი |
|---|---|---|---|
| 2002[2] | 1336 | 633 | 703 |
| 2014[1] |  1117 |
525 | 592 |
ხალხური ეტიმოლოგია რედაქტირება
სუჯუნა ადგილობრივთა ხალხური ეტიმოლოგიით დამდგარ წყალს ნიშნავს: სუ–წყალი, ჯუნა–დამდგარი.[4]
ისტორიული ძეგლები რედაქტირება
- სუჯუნის წმინდა გიორგის ეკლესია
- აკაკი ხოშტარიას სასახლე
- სინაგოგა - XIX საუკუნე
ლიტერატურა რედაქტირება
- ქართული საბჭოთა ენციკლოპედია, ტ. 9, თბ., 1985. — გვ. 617.
- ნოდია ლ., სუჯუნა, თბ., 2010
რესურსები ინტერნეტში რედაქტირება
სქოლიო რედაქტირება
- ↑ 1.0 1.1 მოსახლეობის 2014 წლის აღწერა (არქივირებული). საქართველოს სტატისტიკის ეროვნული სამსახური (ნოემბერი 2014). ციტირების თარიღი: 30 დეკემბერი 2019.
- ↑ 2.0 2.1 მოსახლეობის 2002 წლის აღწერა. საქართველოს სტატისტიკის ეროვნული სამსახური (2002 წელი). ციტირების თარიღი: 30 დეკემბერი 2019.
- ↑ ცნობის ფურცელი N564, 21 ივნისი 1898 – გვ. 3-4
- ↑ სუჯუნა // saunje.ge