რამშტაინი

რამშტაინი (გერმ. Rammstein) — გერმანული ინდუსტრიული მეტალ ჯგუფი, რომელიც 1994 წელს ბერლინში დაარსდა. მათი მუსიკა აერთიანებს მეტალის, ინდასტრიალის და ელექტრონული მუსიკის ელემენტებს. ჯგუფზე დიდი გავლენა იქონია სლოვენურმა მუსიკალურმა კოლექტივმა Laibach.

რამშტაინი
რამშტაინის გამოსვლა Wacken Open Air 2013-ზე
ბიოგრაფია
წარმოშობა	ბერლინი, გერმანია
ჟანრ(ებ)ი	ახალი გერმანული სიმძიმე ინდუსტრიული მეტალი მძიმე მეტალი
აქტიური	1994 — დღემდე
ლეიბლ(ებ)ი	Motor Universal Vagrant Slash London PolyGram
წევრები	ტილ ლინდემანი რიხარდ კრუსპე პაულ ლანდერსი ოლივერ რიდელი კრისტოფ შნაიდერი კრისტიან ლორენცი
საიტი	rammstein.de
რამშტაინი ვიკისაწყობში

ჯგუფის სახელწოდება უკავშირდება დასავლეთ გერმანული ქალაქის რამშტაინ-მიზენბახის სახელს, სადაც 1988 წელს ავიაკატასტროფა მოხდა. ჯგუფის სასათაურო სიმღერაც ამ კატასტროფის წლისთავისადმია მიძღვნილი. ასტეროიდ 110393-ს ჯგუფის პატივსაცემად 110393 Rammstein დაარქვეს.

რამშტაინი შეიქმნა 1994 წელს, მისი ყველა ალბომი გამოქვეყნებულია Universal Music Group-ის მიერ, ხოლო ყველა სიმღერა შესრულებულია გერმანულად. ამასთან, არსებობს ზოგიერთი სიმღერის ინგლისური ვარიანტიც. ასეთებია „Engel“ , „Du Hast“ და “Amerika”. სიმღერა „Te quiero puta“ სრულდება ესპანურ ენაზე. ზოგიერთი სიმღერა („Amerika“ , „Stirb nicht vor mir//Don’t die before I do“, „Moskau“, „Pussy“, „Frühling in Paris“ და ა.შ.) შეიცავს არა მხოლოდ გერმანულ სიტყვებს. ხოლო ჯგუფის კონცერტები ცნობილია დიდი რაოდენობის პიროტექნიკის და სასცენო სანახაობების ელემენტებით.

ჯგუფი დიდი პოპულარობით სარგებლობს არა მხოლოდ გერმანიაში, არამედ ევროპის ბევრ ქვეყანაშიც. ალბომით Reise, Reise (2004) კი ჯგუფის წევრები ყველაზე წარმატებული გერმანელი მომღერლები გახდნენ. მთლიანობაში კოლექტივს გამოშვებული აქვს 6 სტუდიური ალბომი.

წევრები

• ტილ ლინდემანი – წამყვანი ვოკალები, ჰარმონიკა (1994–დღემდე)
• რიხარდ კრუსპე – წამყვანი გიტარა, კლავიშებიანი საკრავები, ბეკ-ვოკალი (1994–დღემდე)
• პაულ ლანდერსი – რიტმული გიტარა, ბეკ-ვოკალი (1994–დღემდე)
• ოლივერ რიდელი – ბას-გიტარა, აკუსტიკური გიტარები (1994–დღემდე)
• კრისტიან ლორენცი – კლავიშებიანი საკრავები, სემპლები, სინთეზატორები (1994–დღემდე)
• კრისტოფ შნაიდერი – დასარტყმელი საკრავები, პერკუსია (1994–დღემდე)

ქრონოლოგია

დისკოგრაფია

• Herzeleid (1995)
• Sehnsucht (1997)
• Mutter (2001)
• Reise, Reise (2004)
• Rosenrot (2005)
• Liebe ist für alle da (2009)
• Rammstein (2019)
• Zeit (2022)

ჯგუფის სიმღერები ფილმებში

• 1997 - Lost Highway “Rammstein”, “Heirate mich”
• 1997 - Mortal Kombat: Annihilation “Engel”
• 1999 - Wing Commander “Eifersucht”
• 1999 - Family Values Tour 1998 “Du hast”, “Bück dich”
• 2000 - CKY, Vol. 2 “Du hast”
• 2001 - How High “Du hast”
• 2002 - Resident Evil “Halleluja”
• 2002 - xXx “Feuer frei!”
• 2002 - Lilya 4-ever “Mein Herz brennt (film-remix)”, “Mein Herz brennt”
• 2002 - FeardotCom “Sonne”
• 2004 - Resident Evil: Apocalypse “Mein Teil”
• 2006 - See No Evil “Mein Teil”

რესურსები ინტერნეტში

• შეგიძლიათ იხილოთ მედიაფაილები თემაზე „რამშტაინი“ ვიკისაწყობში.
• ოფიციალური საიტი
• რამშტაინი საიტზე Discogs
• რამშტაინი საიტზე Curlie