პორტალი:ქრისტიანობა
ინდექსი · ძიება · კატეგორიები · რჩეული სტატიები და პორტალები · ყველა თემა
გეოგრაფია · ისტორია · კულტურა · მეცნიერება · რელიგია · საზოგადოება · საქართველო · სპორტი · ხელოვნება
ქრისტიანობა (ბერძ. Χριστός-ისგან — «მირონცხმული», ებრაული აღნიშნვიდან «მესია») — რელიგია, რომელმაც აღიარა იესო ქრისტე მესიად ისრაელისა და მთელი კაცობრიობის გადამრჩენლად. საფუძველი ჩაეყარა I საუკუნეში ისრაელში.
.png)
ქრისტიანობა — ქრისტეს მოძღვრება, ერთ-ერთი სამ მსოფლიო რელიგიათა შორის ბუდიზმთან და ისლამთან ერთად. მას სამი ძირითადი მიმართულება აქვს: კათოლიციზმი, პროტესტანტიზმი და მართლმადიდებლობა. საერთო ნიშანი, რომელიც აერთიანებს ქრისტიანობის სხვადასხვა მიმართულებებს და სექტებს, არის რწმენა იესო ქრისტესადმი, როგორც ღმერთკაცის, მსოფლიოს მხსნელის, სამების მეორე პირის განმასახიერებლისადმი. ქრისტიანული სწავლების მთავარი წყაროა ქრისტიანებისთვის წმინდა წიგნი — ბიბლია, განსაკუთრებით მისი მეორე ნაწილი — ახალი აღთქმა.
ქრისტიანობა წარმოიშვა იუდაიზმის წიაღში ახ. წ. I საუკუნეში რომის იმპერიის აღმოსავლეთ ნაწილში — პალესტინაში. ახალი მოძღვრება ბერძნული და ლათინური ენების წყალობით იოლად ვრცელდებოდა უზარმაზარ რომის იმპერიაში. გადმოცემის თანახმად, თომა მოციქული ქადაგებდა ინდოეთში და სპარსეთში, ანდრია მოციქული — კავკასიასა და ბალკანეთში,მოციქული მარკოზი — ეგვიპტეში. ქრისტიანული გადმოცემის თანახმად პირველ ქრისტიანეთა ხვედრი მძიმე იყო, მათ დევნიდნენ, დასცინოდნენ, სხვადასხვა ბრალდებებს უყენებდნენ. პეტრე და პავლე მოციქულები 64 წელს აწამეს რომში, მოციქულთაგან უკანასკნელი გარდაიცვალა იოანე. მოციქულები შეცვალეს ეკლესიის მამებმა. ქრისტიანული გადმოცემების თანახმად მათაც დევნიდნენ, აწამებდნენ და კლავდნენ. ქრისტიანობას მალე გამოუჩნდნენ დამცველები თვით რომის იმპერიაში. იმპერატორმა კონსტანტინეI იწამა იგი და ღვთისმსახურების ნება დართო. ასე თანდათან იკვლევდა გზას ახალი ჰუმანური მოძღვრება. (...სრულად)
- სურათზე: ქრისტიანობის გავრცელების არეალი პროცენტულად ქვეყნების მიხედვით.
დაგვეხმარეთ კათოლიციზმისა და საქართველოს მართლმადიდებელი სამოციქულო ეკლესია გავრცობაში.
