- საქართველოს ეროვნულმა საკალათბურთო ნაკრებმა ევროპის 2011 წლის ჩემპიონატზე მეორე გამარჯვება იზეიმა. იგორ კოკოშკოვის გუნდმა უკრაინის ნაკრებთან უმნიშვნელოვანეს გამარჯვებას მიაღწია და 69:53 გაიმარჯვა. მორიგ მატჩს ქართველი კალათბურთელები ხვალ, თბილისის დროით 16:30 საათზე, ბულგარეთის ნაკრებთან გამართავენ. (1 არხი)
- ძლიერი მიწისძვრა ვანუატუში. 7.0 მაგნიტუდის სიმძლავრის ბიძგები კუნძულოვან სახელმწიფოში დღეს დილით დაფიქსირდა. ეპიცენტრი დედაქალაქ პორტ-ვილადან კილომეტრის მოშორებით მდებარეობდა. ცუნამის საშიშროება არ გამოცხადებულა. (1 არხი)
- 4.7 მაგნიტუდის სიმძლავრის მიწისძვრა მოხდა ტოკიოში. მიწისქვეშა ბიძგები იბარაკის, ტიბას, ფუკუშიმასა და კიდევ რამდენიმე პრეფექტურაში იგრძნობოდა. (1 არხი)
- ხობის მუნიციპალიტეტს ახალი სოფელი შეემატა. პრეზიდენტის განკარგულებით, სოფელ პატარა ფოთს რიონს გაღმა მდებარე უბანი გამოეყო, რომელსაც შავღელე ეწოდა. გასული საუკუნის 80-იან წლებში ხობის მუნიციპალიტეტში შუახევის, ქედასა და ხულოს მუნიციპალიტეტის სტიქიისგან დაზარალებული 300 ოჯახი ჩამოასახლეს და ახალი სოფელი, შავღელე სწორედ მათთვის შეიქმნა. სოფელს აქვს თავისი სკოლა, მოპირკეთებულია გზა, უახლოეს მომავალში სოფელში სასმელი წყლის პრობლემაც გადაიჭრება. სოფელმა დღესასწაული შავღელეობაც დააფუძნა, რომელიც ტრადიციული იქნება. (1 არხი)
|