ნიკოლოზ ხაჭაპურიძე
ნიკოლოზ ხაჭაპურიძე (დ. 26 ივლისი, 1944) — ქართველი პოლიტიკოსი. ფიზიკა-მათემატიკის მეცნიერებათა კანდიდატი.
| ნიკოლოზ ხაჭაპურიძე | |
|---|---|
| დაბადების თარიღი | 26 ივლისი, 1944 |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
დაამთავრა თბილისის ივანე ჯავახიშვილის სახელობის სახელმწიფო უნივერსიტეტი. 1968 წლიდან იყო საქართველოს მეცნიერებათა აკადემიის მეტალურგიის ინსტიტუტის ასპირანტი, მეცნიერ-თანამშრომელი, 1978 წლიდან იყო უფროსი მეცნიერ-თანამშრომელი. თავისუფალი პროფკავშირული ორგანიზაციის — საქართველოს მეტალურგთა თავისუფალი კავშირის ერთ-ერთი დამაარსებელი და გამგეობის თავმჯდომარე. 1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).