მცხეთის მუნიციპალიტეტის გერბი
მცხეთის მუნიციპალიტეტის გერბი — მცხეთის მუნიციპალიტეტის სახელმწიფო სიმბოლო დროშასთან ერთად. მიღებულია მცხეთის მუნიციპალიტეტის საკრებულოს მიერ, 2013 წლის 2 სექტემბერს №38 დადგენილებით.[1]
| მცხეთის მუნიციპალიტეტის გერბი | |
|---|---|
 | |
| დეტალები | |
| გვირგვინი | ოთხქონგურიანი საქალაქო ოქროს გვირგვინი გახსნილი კარიბჭით |
| ფარმჭერები | ვაზის ფოთლების ოქროს ორნამენტი |
| დევიზი | ႫႺႾႤႧႠ (მცხეთა) |
აღწერილობა რედაქტირება
გერბის ფარის მეწამულ ველს ოთხ ნაწილად ყოფს ჰერალდიკური ვერცხლის ჯვარი:
- I ნაწილი — მეწამულ ველზე ვერცხლის პერანგი (კვართი).
- II ნაწილი — ვერცხლის ორკაპა ჯვარი და ძველი ოქროს გვირგვინი.
- III ნაწილი — ოქროს ისრებით გამსჭვალული ვერცხლის მთა (იბერიის მთა) ოქროს ცეცხლით.
- IV ნაწილი — მეწამულ ველზე ვერცხლის მოკვეთილი ხელი, ვერცხლის გონიოთი.
გერბის ფარს ზემოთ მოთავსებულია ოთხქონგურიანი (ციხე-სიმაგრის ფორმის) საქალაქო ოქროს გვირგვინი გახსნილი კარიბჭით. გერბის ფარს გარს არტყია ვაზის ფოთლების ოქროს ორნამენტი.
ფარს ქვემოთ მოთავსებულია გერბის დევიზი. დევიზის ბაფთის მეწამულ ველზე გამოსახულია ვერცხლის ასომთავრული წარწერა — „მცხეთა“ და ჰერალდიკური ორი ვერცხლის ჯვარი. ბაფთას აქვს ვერცხლის სარჩული.