მომღერალასებრნი
მომღერალასებრნი[1] (ლათ. Parulidae) — ფრინველთა ოჯახი ბეღურასნაირთა რიგისა.
მომღერალასებრნი | ||||||||||||
---|---|---|---|---|---|---|---|---|---|---|---|---|
ნაძვნარის მომღერალა (Dendroica fusca) | ||||||||||||
მეცნიერული კლასიფიკაცია | ||||||||||||
| ||||||||||||
ლათინური სახელი | ||||||||||||
Parulidae (Wetmore, 1947) | ||||||||||||
|
მათი სხეულის სიგრძეა 10–18 სმ,[2] საშუალოდ 12 სმ.[3] ნისკარტი წვრილი, ბასრი, იშვიათად გაბრტყელებულია, დასაწყისში ჯაგრიანი,[2] ოდნავ ქვევითაა მოღუნული; ფეხები სუსტია.[3] შეფერილი არიან ზეთისხილისფრად, მომწვანო-მოყვითალოდ ან რუხად და შეხამებულია ყვითელ, წითელ, შავ ან რუხ-ცისფერ ტონებთან;[2] ზოგიერთ სახეობას აქვს მურა და თეთრი, ჭრელი შეფერილობა; დამახასიათებელია თავისა და ტანის წინა ნაწილის განსხვავებული შეფერვა[3]
ცნობილია 18–27 გვარის 108–124 სახეობა. გავრცელებული არიან ამერიკაში ალასკიდან და ლაბრადორიდან ჩრდილოეთ არგენტინამდე.[2] ზამთარში, ტროპიკებსა და სუბტროპიკებში სხვა მწერიჭამია ფრინველებთან შერეული მომთაბარე გუნდები გვხვდება. ზოგიერთი სახეობა ჯამის ფორმის ბუდეს მიწაზე აგებს, რაშიც მცენარეულ სამშენებლო მასალას იყენებს, ზოგიერთი კი ხის ტანზე სიცარიელეებს (ფუღუროებს) იკავებს საბუდრად. ბუდეს აშენებს დედალი.[3]
ბინადრობენ სხვადასხვა პირობებში, მაგრამ უპირატესად მეხეური ფრინველებია. იკვებებიან მწერებით. დებენ 2–5 კვერცხს. ზოგიერთი კარგად გალობს. 3 სახეობა და 2 ქვესახეობა შეტანილია IUCN-ის წითელ ნუსხაში.[2]
რესურსები ინტერნეტში რედაქტირება
- New World warblers (Parulidae) დაარქივებული 2016-03-16 საიტზე Wayback Machine. information, including 81 species with videos and 100 with photographs at the Internet Bird Collection (ინგლისური)
- "Chasing Down Warblers" National Geographic News story on seeing 30 warbler species in May 2002 (ინგლისური)
სქოლიო რედაქტირება
- ↑ Parulidae — ინგლისურ-ქართული ბიოლოგიური ლექსიკონი.
- ↑ 2.0 2.1 2.2 2.3 2.4 მომღერალასებრნი // ბიოლოგიური ენციკლოპედიური ლექსიკონი (რუსული)
- ↑ 3.0 3.1 3.2 3.3 მომღერალასებრნი დაარქივებული 2019-05-23 საიტზე Wayback Machine. // Птицы нашей Родины (რუსული)