მიხეილ სარჯველაძე
მიხეილ სარჯველაძე (დ. 22 დეკემბერი, 1978, თბილისი[1]) — ქართველი პოლიტიკოსი. 2013-2018 წლებში იყო საქართველოს იუსტიციის მინისტრის მოადგილე, ხოლო 2018-2020 წლებში — პირველი მოადგილე, 2020 წლიდან — საქართველოს მე-10 მოწვევის პარლამენტის წევრი (პარტია „ქართული ოცნება — დემოკრატიული საქართველო“). 2024 წლის 11 მარტს დაინიშნა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრად.[2]
| მიხეილ სარჯველაძე | |
|---|---|
| დაბადების თარიღი | 22 დეკემბერი, 1978 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 სსრკ → საქართველო |
| ეროვნება | ქართველი |
| პარტია | ქართული ოცნება — დემოკრატიული საქართველო |
ბიოგრაფია რედაქტირება
დაიბადა 1978 წლის 22 დეკემბერს, თბილისში. დამთავრებული აქვს თბილისის სახელმწიფო უნივერსიტეტი, სამართალმცოდნეობის სპეციალობით. 1999-2003 წლებში იყო შპს „საადვოკატო ბიურო - კორძაძე და სვანიძე“ - ადვოკატი. 2003-2010 წლებში – კს „სვანიძე და პარტნიორები“ - ადვოკატი, პარტნიორი. 2010-2012 წლებში იყო სპს „საადვოკატო გაერთიანება - სარჯველაძე და მშვენიერაძე“-ის ადვოკატი, პარტნიორი. 2012-2013 წლებში იყო სსიპ აღსრულების ეროვნული ბიუროს თავმჯდომარე. 2013-2018 წლებში იყო საქართველოს იუსტიციის მინისტრის მოადგილე, ხოლო 2018-2020 წლებში – საქართველოს იუსტიციის მინისტრის პირველი მოადგილე.
2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.[3] 2020 წლის 11 დეკემბრიდან საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე. 2024 წლის 11 მარტს დაინიშნა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრად.[2]
პირადი ცხოვრება რედაქტირება
ჰყავს მეუღლე და ორი შვილი.
რესურსები ინტერნეტში რედაქტირება
- მიხეილ სარჯველაძე — საქართველოს პარლამენტის ოფიციალური საიტი (მოძველებული / არქივი / ახალი არქივი)
- მიხეილ სარჯველაძე — საქართველოს ბიოგრაფიული ლექსიკონი
სქოლიო რედაქტირება
- ↑ ქონებრივი დეკლარაცია. დაარქივებულია ორიგინალიდან — 2023-09-01. ციტირების თარიღი: 2020-12-05.
- ↑ 2.0 2.1 ახალი ჯანდაცვის მინისტრი დაინიშნა. Civil Georgia. 11 მარტი, 2024.
- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 18 დეკემბერი, 2020.