მზის საათი

მზის საათი — ხელსაწყო, რომ ლითაც საზღვრავენ დროს მზის მიხედვით.

მზის საათი ბრაუნშვეიგის ტაძარში, გერმანია

მზის საათი შედგება ღერძისაგან ან ფირფიტისაგან, რომლებიც ჩრდილს იძლევიან, და ციფერბლატისაგან. ჩრდილი ეცემა ციფერბლატს და აჩვენებს ჭეშმარიტ მზისიერ დროს. ყველა ტიპის მზის საათში ღერძი (ან ფირფიტის კიდე) სამყაროს ღერძის პარალელურია და ციფერბლატის ღერძში გადის, ხოლო შუადღის შესაბამისი დანაყოფი ცენტრზე გამავალ მერიდიანის სიბრტყეშია. ეკვატორულ მზის საათში ციფერბლატის სიბრტყე ცის ეკვატორის სიბრტყის პარალელურია, დანაყოფები თანაბარია.

ჰორიზონტალურ მზის საათში კი ციფერბლატის სიბრტყე ჰორიზონტალურია, დანაყოფები კი — არათანაბარი, სპეციალურად გაანგარიშებული. 6 სთ და 18 სთ შესაბამისი დანაყოფები საშუადღეო ხაზის მართობულ წრფეზეა. ვერტიკალურ მზის საათში ციფერბლატი კედელზე მაგრდება და ნებისმიერ აზიმუტზე შეიძლება იყოს ორიენტირებული.

საშუალო მზისიერი დროის მისაღებად დროის სწორება უნდა გამოვიყენოთ. ზოლური დროის მისაღებად — შესაბამისი შესწორებანი. მზის საათის სიზუსტე რამდენიმე წუთია.

გალერეა

• 
  მზის საათი გელათის მონასტერში
• 
  მზის საათი ქ. პერთში, ავსტრალია
• 
  უძველესი მზის საათი მარკიანოპოლისში, ბულგარეთი
• 
  რომაული ჰემისფერული მზის საათი სიდეს არქეოლოგიურ მუზეუმში, თურქეთი

იხილეთ აგრეთვე

• გნომონი
• საათი

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 661.

რესურსები ინტერნეტში

ვიკისაწყობში არის გვერდი თემაზე:

მზის საათები

• The Ancient Vedic Sun Dial
• Analemmatic Sundial at Tanglewood დაარქივებული 2012-03-21 საიტზე Wayback Machine.
• Derbyshire Sundials დაარქივებული 2012-05-22 საიტზე Wayback Machine.