ლავრა

ლავრა (ბერძ. Λαύρα, laura — „დიდი მონასტერი“) — საერთო საცხოვრებელი მონასტერი ქრისტიანობაში, რომელიც ტაძართა გარკვეულ რაოდენობასა და დიდ საძმოს მოიცავს. ლავრის წინამძღვარი ეპარქიის მღვდელთმთავარია, ხოლო უშუალო მართვას, მისი ლოცვა-კურთხევით, არქიმანდრიტი ახორციელებს. რუსეთში ცნობილია კიევ-პეჩერის (1598-იდან), სერგის სამების (1744-იდან) და სხვა ლავრები. საქართველოში — დავითის ლავრა (VI ს.).

დავითის ლავრა

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 101.
• „მცირე საეკლესიო ენციკლოპედია“, «საქართველოს ეკლესიის 2005 წლის კალენდარი», თბ. 2004, გვ. 183