კონსტანტინე ჭიჭინაძე (გეოლოგი)

კონსტანტინე ჭიჭინაძე (დ. 18 მაისი, 1913, ყიზლარი, დაღესტანი — გ. 1941, თბილისი) — ქართველი გეოლოგ-მინერალოგი, გეოლოგ-მინერალოგიურ მეცნიერებათა კანდიდატი (1940).

ბიოგრაფია

1937 წელს დაამთავრა ს. კიროვის სახელობის საქართველოს ინდუსტრიული ინსტიტუტი. 1940 წლიდან მუშაობდა ამიერკავკასიის ფერადი ლითონების საძიებო ტრესტში, აგრეთვე საქართველოს ინდუსტრიულ ინსტიტუტში. არის საქართველოს ტერიტორიის მეტალოგენიური კვლევის ერთ-ერთი ფუძემდებელი. იკვლევდა რაჭისა და სვანეთის სასარგებლო წიაღისეულის საბადოებს.

ლიტერატურა

• ჯავრიშვილი ვ., ქართული საბჭოთა ენციკლოპედია, ტ. 11, თბ., 1987. — გვ. 403.

რესურსები ინტერნეტში

• კონსტანტინე ჭიჭინაძე (გეოლოგი) — საქართველოს ბიოგრაფიული ლექსიკონი