კარატისჯვარი

კარატისჯვარი, კარათისჯვარი — მთა საქართველოში, მცხეთა-მთიანეთის მხარეში, დუშეთის მუნიციპალიტეტში. მდებარეობს კავკასიონის მთავარი წყალგამყოფი ქედის სამხრეთ ტოტზე, მდინარე ხევსურეთის არაგვის მარცხენა შენაკადების — ლიქოკისხევისა და აკუშოსხევის წყალგამყოფზე. სიმაღლე ზღვის დონიდან 2684 მ. აგებულია შუაიურული თიხაფიქლებითა და ქვიშაქვებით. კალთები ციცაბოა და შემოსილია სუბალპური და ალპური ბალახეულობით.

კარატისჯვარი
კარატისჯვრის ხედი ბარისახოდან (ცენტრში)
კოორდინატები: 42°29′03″ ჩ. გ. 44°59′21″ ა. გ.
ქვეყანა	საქართველო
ტერიტორიული ერთეული	დუშეთის მუნიციპალიტეტი
სიმაღლე	2684 მ
ქედი	კავკასიონი
ამგებელი ქანები	თიხაფიქალი და ქვიშაქვა
სურათები ვიკისაწყობში

ლიტერატურა

• მარუაშვილი ლ., ენციკლოპედია „საქართველო“, ტ. 4, თბ., 2018. — გვ. 539.