ინერციის მომენტი

ინერციის მომენტი — სიდიდე, რომელიც ახასიათებს მასების განაწილებას სხეულში და მასასთან ერთად სხეულის ინერციულობის ზომაა ბრუნვითი მოძრაობის დროს. მექანიკაში განიხილავენ ღერძულსა და ცენტრიდანულ ინერციის მომენტებს. სხეულის ღერძული ინერციის მომენტი z ღერძის მიმართ ეწოდება სიდიდეს, რომელიც განისაზღვრება ტოლობით: $I_{z}=\sum _{i=1}^{N}m_{i}r_{i}^{2}\$ ან $I_{z}=\int \rho \,r^{2}\,\mathrm {d} V\!$ , სადაც m არის სხეულის წერტილთა მასები, r_i –მათი z ღერძიდან, ρ სიმკვრივე, V მოცულობა. I_z სიდიდე სხეულის ინერციულობის ზომაა ღერძის ირგვლივ მისი ბრუნვისას. ინერციის მომენტის განზომილებაა L²M, ანუ კგ*მ². a და b პარალელური ღერძების ინერციის მომენტები ერთმანეთთან დაკავშირებულია შემდეგი ტოლობით: $I_{a}=I_{b}+Md^{2}\,$