იზაბელა ფრანგი

(გადამისამართდა გვერდიდან იზაბელა (ინგლისის დედოფალი))
სხვა მნიშვნელობებისთვის იხილეთ იზაბელა.

იზაბელა ფრანგი (ცნობილი, როგორც ფრანგი ძუ მგელი; დ. 1292 — გ. 23 აგვისტო, 1358) — 1308 წლიდან ინგლისის მეფე ედუარდ II-ის ცოლი, საფრანგეთის მეფე ფილიპ IV-ისა და ჟანა ნავარელის ქალიშვილი. მეფეების ლუი X, ფილიპ V და შარლ IV-ის და.

იზაბელა ფრანგი, ჟან ფუკეს ნახატი, 1450-1455

ედუარდ II-ზე მისი ფავორიტების გავლენის შესამცირებლად მისი მცდელობები უშედეგოდ დასრულდა, რის გამოც მან ამბოხის პირდაპირ ფორმას მიმართა და მეფის წინააღმდეგ ბარონები აამხედრა.

თავისი ძმის, საფრანგეთის მეფე შარლ IV-ის კარს შეკედლებული იზაბელა კავშირს ამყარებს როჯერ მორტიმერთან, ვიგმორის მერვე ბარონთან (1287–1330), ასევე კონტინენტზე გადმოყავს საკუთარი შვილი, ედუარდი, და მთელი პარტია, რომელიც დესპენსერის წინააღმდეგ გამოდიოდა.

ინგლისში მისი შეჭრის შემდეგ, პარლამენტმა ედუარდ II-ს ტახტი წაართვა. დედოფალი რეგენტი გახდა მისი მცირეწლოვანი ვაჟის ედუარდ III-ის მმართველობის პარალელურად. მორტიმერმა კი, რომელმაც ამასობაში მთელი ძალაუფლება ჩაიგდო ხელთ, საკუთარი მტრების განადგურება დაიწყო. მისი და დედოფლის კავშირი უკვე საიდუმლოს არავისთვის წარმოადგენდა. თუმცა, როგორც კი ედუარდ III სრულწლოვანი გახდა, მან მორტიმერი სიკვდილით დაასჯევინა (1330 წლის 29 ნოემბერს), ხოლო იზაბელას მთელი ცხოვრება შინაპატიმრობა მიესაჯა.

რესურსები ინტერნეტში რედაქტირება