იბაგე

იბაგე (ესპ. Ibagué) — ქალაქი კოლუმბიაში, ტოლიმის დეპარტამენტის დედაქალაქი, კოლუმბიის მუსიკალური დედაქალაქი. მდებარეობს ქვეყნის ცენტრალურ ნაწილში, კოლუმბიის ანდების ვულკან ნევადო-დე-ტოლიმის სიახლოვეს. მოსახლეობა 650 000 ადამიანს შეადგენს და ამ მხრივ ქვეყნის ერთ-ერთი ყველაზე ხალხმრავალი ქალაქია. იგი 1550 წლის 14 ოქტომბერს ესპანელმა კაპიტანმა ანდრეს ლოპეს დე გალარსამ დააარსა. როგორც ტოლიმის დეპარტამენტის დედაქალაქში, იბაგეში განთავსებულია ადგილობრივი მმართველი ორგანოები.

ქალაქი
იბაგე Ibagué
დროშა გერბი
ქვეყანა	კოლუმბია
დეპარტამენტი	ტოლიმატოლიმის დეპარტამენტი| ტოლიმა
კოორდინატები	4°26′00″ ჩ. გ. 75°14′00″ დ. გ.
მერი	ლუის ერნანდო როდრიგეს რამირესი
დაარსდა	14 ოქტომბერი, 1550
ფართობი	1.498 კმ²
ცენტრის სიმაღლე	1 285 მ
მოსახლეობა	650 000 კაცი (2005)
სასაათო სარტყელი	UTC-5
სატელეფონო კოდი	+57 8
საფოსტო ინდექსი	730001-730019
ოფიციალური საიტი	alcaldiadeibague.gov.co
იბაგე ვიკისაწყობში

იბაგეს ეკონომიკა ერთ-ერთი უდიდესია მთელ კოლუმბიაში და დაგეგმილია ასევე ერთ-ერთი უდიდესი გახდეს მთელ ამერიკის კონტინენტზე, რაც განპირობებულია განვითარების უდიდესი პოტენციალით. მსოფლიო ბანკის ბიზნესის კეთების სიმარტივის რეიტინგში, იბაგე მეორე ადგილზეა კოლუმბიაში, მანისალესის შემდეგ.

იბაგეს ხშირად „კოლუმბიისა და ამერიკის მუსიკალურ დედაქალაქს“ უწოდებენ, რაც ძირითადად ტოლიმის კონსერვატორიის დამსახურებაა. ქალაქში იმართება მრავალი მუსიკალური ფესტივალი.

დაძმობილებული ქალაქები

ვიტორია-გასტეისი, ესპანეთი ლომას-დე-სამორა, არგენტინა ბარკისიმეტო, ვენესუელა

იხილეთ აგრეთვე

• კოლუმბიის ქალაქების სია

რესურსები ინტერნეტში

• ოფიციალური საიტი დაარქივებული 2008-05-12 საიტზე Wayback Machine.