იან შტურსა

იან შტურსა (ჩეხ. Jan Štursa; დ. 15 მაისი, 1880, ნოვე-მესტო, მორავია — გ. 2 მაისი, 1925, პრაღა) — ჩეხი მოქანდაკე. სწავლობდა ჰორჟიცეს მოქანდაკეთა და ქვის მთლელთა სკოლასა (1894-1898) და პრაღის სამხატვრო აკადემიაში (1899-1903). განიცადა სიმბოლიზმის გავლენა. მისი ქანდაკებები გადმოსცემს ადამიანის სხეულის სილამაზეს („ევა“, 1908, ეროვნული გალერეა, პრაღა); შექმნილი აქვს დრამატიზმით აღბეჭდილი ნაწარმოებები („დაჭრილი“, 1920-1921, იქვე), მრავალი მონუმენტი და მონუმენტურ-დეკორატიული კომპოზიცია (სკულპტურული ჯგუფები „შრომა“ და „ჰუმანურობა“, პრაღა, 1911-1913).

იან შტურსა 1915 წელს

რესურსები ინტერნეტში

• იან შტურსა – მოკლე ბიოგრაფია დაარქივებული 2011-05-15 საიტზე Wayback Machine. (ჩეხური)
• იან შტურსა – გალერეა (ინგლისური)

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 48.

გალერეა

• 
• 
•