თამარ ბოლქვაძე
ქართველი მსახიობი
თამარ სპირიდონის ასული ბოლქვაძე (დ. 9 ივნისი, 1904, ქუთაისი ― გ. 15 მაისი, 1972, თბილისი, საქართველოს სსრ, სსრკ) ― ქართველი კონომსახიობი. საქართველოს სსრ-ის დამსახურებული არტისტი (1961).
| თამარ ბოლქვაძე | |
|---|---|
| დაბადების სახელი | თამარ ბოლქვაძე |
| დაბადების თარიღი |
9 ივნისი, 1904 ქუთაისი |
| გარდაცვალების თარიღი |
15 მაისი, 1972 (67 წლის) თბილისი |
| საქმიანობა | მსახიობი |
ბოლქვაძის პირველი როლია ვალიდა ივანე პერესტიანის ფილმში „სამი სიცოცხლე“ (გიორგი წერეთლის „პირველი ნაბიჯის“ მიხედვით, 1924). სხვა როლებია: ქეთო („ხანუმა“, 1926), მერი („თავადის ასული მერი“, 1926), ტელემაკის ქალიშვილი („ჯანყი გურიაში“, 1928), პროკურორის ცოლი („საკანი № 79“, 1929).
ბოლქვაძე იმ მსახიობთა რიცხვს ეკუთვნის, რომელთაც საფუძველი ჩაუყარეს ქართულ კინოხელოვნებას.
ფილმოგრაფია რედაქტირება
- 1924: „სამი სიცოცხლე“ (ვალიდა) რეჟ. ივანე პერესტიანი
- 1926: „ხანუმა“ (ელო-ადამის ქალიშვილი) რეჟ. ალექსანდრე წუწუნავა
- 1926: „თავადის ასული მერი“ (თავადის ასული მერი) რეჟ. ვლადიმერ ბარსკი
- 1928: „ჯანყი გურიაში“ (ტელემაკის ქალიშვილი) რეჟ. ალექსანდრე წუწუნავა
- 1929: „საკანი №79 “ (პროკურორის მეუღლე) რეჟ. ზაქარია ბერიშვილი
ლიტერატურა რედაქტირება
- ქართული საბჭოთა ენციკლოპედია, ტ. 2, თბ., 1977. — გვ. 457.