თამაზ დიასამიძე
თამაზ დიასამიძე (დ. 2 ივნისი, 1959, ჩანჩხალო, შუახევის რაიონი) — ქართველი ისტორიკოსი, მეცნიერი, პედაგოგი, პოლიტიკოსი.
| თამაზ დიასამიძე | |
|---|---|
| დაბადების თარიღი | 2 ივნისი, 1959 |
| დაბადების ადგილი |
ჩანჩხალო, შუახევის რაიონი, საქართველოს სსრ,  სსრკ |
| მოქალაქეობა |
სსრკ → საქართველო |
| განათლება | ბათუმის პედაგოგიური ინსტიტუტი |
| ეროვნება | ქართველი |
1981 წელს დაამთავრა ბათუმის სახელმწიფო პედაგოგიური ინსტიტუტის ისტორია-ფილოლოგიის ფაკულტეტი ისტორია-გერმანული ენის სპეციალობით და 1989 წელს ივანე ჯავახიშვილის სახელობის ისტორიის, არქეოლოგოგიისა და ეთნოგრაფიის ინსტიტუტის ასპირანტურა.
1981-1983 წლებში მსახურობდა საბჭოთა არმიის სამხედრო-საჰაერო ძალები, რიგითად. 1983 წელს იყო აჭარის თევზჭერის სამმართველო, ოპერატორის თანაშემწე. 1983-1984 წლებში იყო აჭარის პოლიგრაფიული გაერთიანება, დამხმარე მუშა. 1984-1985 წლებში იყო საქართველოს მეცნიერებათა აკადემიის ბათუმის ნიკოლოზ ბერძენიშვილის სახელობის სამეცნიერო-კვლევითი ინსტიტუტში უფროსი ლაბორანტი. 1985-1986 წლებში იყო აჭარის საარქივო სამმართველოს განსაკუთრებულ საქმეთა რესტავრატორი, აჭარის არქიტექტურის სამეცნიერო-კვლევითი მუზეუმის მეთვალყურე, სახელმწიფო მუზეუმის მეცნიერ–თანამშრომელი. 1990-1991 წლებში იყო საქართველოს რესპუბლიკის უზენაესი საბჭოს წევრი: ბათუმის საარჩევნო ოლქიდან, სახელმწიფო საბჭოს წევრი (1992). 1989-1995 წლებში იყო საქართველოს მეცნიერებათა აკადემიის ბათუმის სამეცნიერო-კვლევითი ინსტიტუტის, უმცროსი მეცნიერ-თანამშრომელი, მეცნიერ-მუშაკი. 1992-1995 წლებში იყო საქართველოს მე-3 მოწვევის პარლამენტის წევრი პროპორციული წესით, N 10 საარჩევნო ოლქი, საარჩევნო ბლოკი: „11 ოქტომბერი“. 1993-1995 წლებში გამოსცემდა და რედაქტორობდა დამოუკიდებელ საზოგადოებრივ-პოლიტიკურ გაზეთებს: „საქართველოს კარიბჭე“ და „თავისუფალი სიტყვა“. 1996-2000 წლებში იყო „განვითარებისა და თანამშრომლობის ცენტრის“ რეგიონული კვლევების პროგრამის ხელმძღვანელი. 2000-2004 წლებში იყო კავშირი — „რეგიონალიზმის კვლევის ცენტრის“ ხელმძღვანელი. 2004-2008 წლებში იყო საქართველოს მე-6 მოწვევის პარლამენტის წევრი პარტიული სიით, საარჩევნო ბლოკი: „ნაციონალური მოძრაობა - დემოკრატები “, იურიდიულ საკითხთა კომიტეტის წევრი. 2008-2012 წლებში — საქართველოს მე-7 მოწვევის პარლამენტის წევრი პარტიული სიით , საარჩევნო ბლოკი „ერთიანი ნაციონალური მოძრაობა - გამარჯვებული საქართველოსთვის“, აგრარულ საკითხთა კომიტეტის და იურიდიულ საკითხთა კომიტეტის წევრი.