ზაქარია ქუცნაშვილი
ზაქარია ქუცნაშვილი (დ. 13 თებერვალი, 1972, თბილისი) — ქართველი იურისტი, პოლიტიკოსი, საქართველოს სამი მოწვევის (1999, 2012, 2016) პარლამენტის წევრი.
| ზაქარია ქუცნაშვილი | |
|---|---|
.jpg) | |
| დაბადების თარიღი | 13 თებერვალი, 1972 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| რელიგია | მართლმადიდებელი |
| პარტია | ქართული ოცნება - დემოკრატიული საქართველო |
| საქმიანობა | ადვოკატი |
ბიოგრაფია რედაქტირება
დაამთავრა თბილისის სახელმწიფო უნივერსიტეტის იურიდიული ფაკულტეტი. იგი იყო შპს "სადაზღვევო კომპანია არგანის“ გენერალური დირექტორის მოადგილე სამართლებრივ საკითხებში. მუშაობდა საქართველოს პარლამენტის აპარატში, იყო თბილისის საკრებულოს წევრი. 1999-2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი: „საქართველოს აღორძინება“, იურიდიული კომიტეტის თავმჯდომარის პირველი მოადგილე. 2004-2006 წლებში იყო თბილისის სულხან-საბას სახელობის პედაგოგიური უნივერსიტეტის უფროსი მასწავლებელი, 2005-2007 წლებში - ა(ა)იპ "საქართველოს ელექტროენერგიის საბითუმო ბაზრის" იურიდიული დეპარტამენტის ხელმძღვანელი, ხოლო 2005-2012 წლებში - ასოციაცია „კანონი ხალხისთვის“ თავმჯდომარე, საგანმანათლებლო რადიო პროექტი "კანონი ხალხისათვის" ავტორი და წამყვანი. 2006 წლიდან არის ადვოკატი სამოქალაქო სამართლის სპეციალიზაციით. 2006-2012 წლებში - შპს "ზაქარია ქუცნაშვილის საადვოკატო ბიუროს" დირექტორი. 2007-2012 წლებში იყო საქართველოს საპატრიარქოს იურიდიული სამსახურის ხელმძღვანელი. 2007 წლიდან - კავკასიის სამართლის სკოლის ლექტორი. 2012 წლის საპარლამენტო არჩევნებში თიანეთის მაჟორიტარობის კანდიდატი იყო („ქართული ოცნება“), სადაც ხმათა 59,02% მიიღო (4354 ხმა) და პირველი ადგილი დაიკავა.[1] 2012-2016 წლებში იყო საქართველოს მე-8 მოწვევის პარლამენტის წევრი (თიანეთის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“. 2016-2019 წლებში იყო საქართველოს მე-9 მოწვევის პარლამენტის წევრი (თიანეთის, დუშეთისა და ყაზბეგის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. [1] 2019 წლის 21 ივნისს ზაქარია ქუცნაშვილმა დეპუტატის მანდატი დატოვა.[2]
ჰყავს მეუღლე - თეა სანიკიძე და ორი შვილი - თამარი (თათული) და თორნიკე.
რესურსები ინტერნეტში რედაქტირება
- ზაქარია ქუცნაშვილი — საქართველოს ბიოგრაფიული ლექსიკონი
- ზაქარია ქუცნაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო რედაქტირება
- ↑ შედეგები 2012
- ↑ ზაქარია ქუცნაშვილმა დეპუტატის მანდატი დატოვა. sputnik-georgia.com (21 ივნისი, 2019). ციტირების თარიღი: 22 ივნისი, 2019.